ಸಿಡ್ನಿ: ಸ್ಫೋಟಕ ಬ್ಯಾಟಿಂಗ್ಗೆ ಹೆಸರಾಗಿರುವ ಕ್ರಿಸ್ ಗೇಯ್ಲ್ ಅವರೀಗ ಟಿ20 ಪಂದ್ಯಗಳಲ್ಲಿ 600 ಸಿಕ್ಸರ್ ಸಿಡಿಸಿದ ಹೆಗ್ಗಳಿಕೆಗೆ ಪಾತ್ರರಾಗಿದ್ದಾರೆ.
ಶನಿವಾರ ನಡೆದ ಬಿಗ್ ಬ್ಯಾಷ್ ಪಂದ್ಯಾವಳಿಯ ಬ್ರಿಸ್ಬೇನ್ ಹೀಟ್ಸ್ ವಿರುದ್ಧದ ಪಂದ್ಯದಲ್ಲಿ ಅವರು, 2 ಸಿಕ್ಸರ್ ಸಿಡಿಸಿ, ಈ ಸಾಧನೆ ಮಾಡಿದರು. ಈಗಾಗಲೇ ಟಿ20ಯಲ್ಲಿ ಕೆಲವಾರು ದಾಖಲೆಗಳನ್ನು ತಮ್ಮ ಹೆಸರಿನಲ್ಲಿ, ವೇಗದ ಶತಕ (30 ಎಸೆತ), ಗರಿಷ್ಠ ಮೊತ್ತ (ಅಜೇಯ 175 ರನ್, ರಾಯಲ್ ಚಾಲೆಂಜರ್ಸ್ ಪರ), ಅತಿ ಹೆಚ್ಚು ರನ್ ಸ್ಕೋರರ್ (44.24 ಸರಾಸರಿಯಲ್ಲಿ 8363 ರನ್), ಗರಿಷ್ಠ ಶತಕ (16) ದಾಖಲೆಗಳನ್ನು ಬರೆದುಕೊಂಡಿರುವ 35ರ ಪ್ರಾಯದ ವಿಂಡೀಸ್ ಆಟಗಾರ, ತಮ್ಮ ಕಿರೀಟಕ್ಕೆ ಮತ್ತೊಂದು ಗರಿ ಕೇರ್ಪಡೆ ಮಾಡಿಕೊಂಡಿದ್ದಾರೆ.