ಅಡಿಲೇಡ್: ವಿಶ್ವಚಾಂಪಿಯನ್ ಪಟ್ಟವನ್ನು ಉಳಿಸಿಕೊಳ್ಳಲು ಆಸ್ಟ್ರೇಲಿಯಾದಲ್ಲಿ ಸಿದ್ಧತೆ ನಡೆಸುತ್ತಿರುವ ಟೀಂ ಇಂಡಿಯಾ ನಾಯಕ ಮಹೇಂದ್ರ ಸಿಂಗ್ ಧೋನಿ, ಪತ್ನಿ ಸಾಕ್ಷಿ ಮಗಳಿಗೆ ಜನ್ಮ ನೀಡಿದ್ದರೂ ಸಹ ಭಾರತಕ್ಕೆ ತೆರಳಲು ಮನಸ್ಸು ಮಾಡದೇ ವಿಶ್ವಕಪ್ ಬಗ್ಗೆ ಗಮನ ಹರಿಸಲು ಮುಂದಾಗಿದ್ದಾರೆ.
ಶನಿವಾರ ಸುದ್ದಿಗಾರರೊಂದಿಗೆ ಮಾತನಾಡಿದ ಧೋನಿ, ಹೌದು ನನಗೆ ಹೆಣ್ಣು ಮಗು ಹುಟ್ಟಿದ್ದು, ಮಗು ಹಾಗೂ ತಾಯಿ ಇಬ್ಬರೂ ಆರೋಗ್ಯವಾಗಿದ್ದಾರೆ ಎಂದು ತಿಳಿಸಿದರು. ನಂತರ ಮಗು ಹಾಗೂ ತಾಯಿ ನೋಡಲು ಭಾರತಕ್ಕೆ ತೆರಳುವ ಬಗ್ಗೆ ಕೇಳಲಾದ ಪ್ರಶ್ನೆಗೆ ಉತ್ತರಿಸಿದ ಧೋನಿ, ನಾನು ದೇಶದ ಕಾರ್ಯದ ನಿಮಿತ್ತು ಇಲ್ಲಿಗೆ ಆಗಮಿಸಿದ್ದೇನೆ. ಮೊದಲು ದೇಶದ ಕೆಲಸ ನಂತರ ಉಳಿದ ಕೆಲಸಗಳು, ಹಾಗಾಗಿ ವಿಶ್ವಕಪ್ ಬಗ್ಗೆ ಗಮನ ಹರಿಸುತ್ತಿದ್ದು, ಭಾರತಕ್ಕೆ ಹೋಗುವ ಯೋಚನೆ ಇಲ್ಲ, ಈಗ ನನ್ನ ಪಾಲಿಗೆ ಮೊದಲು ವಿಶ್ವಕಪ್...ತದ ನಂತರ ಮಗಳು...ಎಂದರು.