ನವದೆಹಲಿ: ಭಾರತ ಫುಟ್ಬಾಲ್ ತಂಡ ಮುಂದಿನ ತಿಂಗಳು 12ರಂದು 2018ರ ಫಿಫಾ ವಿಶ್ವಕಪ್ ಹಾಗೂ 2019ರ ಎಎಫ್ ಸಿ ಏಷ್ಯನ್ ಕಪ್ ಟೂರ್ನಿಯ ಅರ್ಹತಾ ಸುತ್ತಿನ ಪಂದ್ಯವನ್ನಾಡಲಿದೆ.

ಭಾರತ ಅರ್ಹತಾ ಸುತ್ತಿನಲ್ಲಿ ಒಂದು ತವರು ಅಂಗಣದ ಪಂದ್ಯ ಹಾಗೂ ಹೊರ ಅಂಗಣದ ಪಂದ್ಯವನ್ನಾಡಲಿದೆ. ಗುವಾಹಟಿಯ ಇಂದಿರಾ ಗಾಂಧಿ ಅಥ್ಲೆಟಿಕ್ಸ್ ಕ್ರೀಡಾಂಗಣದಲ್ಲಿ ಭಾರತ ತಂಡ ಅರ್ಹತಾ ಸುತ್ತಿನ ತವರು ಪಂದ್ಯವನ್ನಾಡಲಿದೆ.

ಅಲ್ಲದೆ ಈ ಪಂದ್ಯ ಭಾರತ ತಂಡ ಹೊಸ ಕೋಚ್ ಸ್ಟೀಫನ್ ಕಾನ್ಸ್ ಟಾಂಟೀನ್ ಅವರು ಎರಡನೇ ಅವಧಿಯಲ್ಲಿ ಜವಾಬ್ದಾರಿ ವಹಿಸಿಕೊಂಡ ನಂತರ ಮೊದಲ ಪಂದ್ಯವಾಗಿದೆ.

ಏಷ್ಯಾದ 12 ಕಡಿಮೆ ರ್ಯಾಂಕಿಂಗ್ ಪಡೆದಿರುವ ತಂಡಗಳು ಈ ಸುತ್ತಿನಲ್ಲಿ ಸೆಣಸಲಿವೆ.
ಈ ಸುತ್ತಿನ ಪಂದ್ಯಗಳ ವೇಳಾಪಟ್ಟಿ ಇನ್ನಷ್ಟೇ ಬಿಡುಗಡೆಯಾಗಬೇಕಿದೆ.