ಡುನೆಡಿನ್: ವಿಶ್ವಕಪ್ ಪಂದ್ಯಾವಳಿಯಲ್ಲಿ ಆಫ್ಘಾನಿಸ್ತಾನ ತಂಡ ಚೊಚ್ಚಲ ಗೆಲುವು ದಾಖಲಿಸಿದೆ.

ಎ ಗುಂಪಿನಲ್ಲಿ ನಡೆದ ಪಂದ್ಯದಲ್ಲಿ ಸ್ಕಾಟ್ಲೆಂಡ್ ವಿರುದ್ಧ ಆಫ್ಘಾನಿಸ್ತಾನ 1 ವಿಕೆಟ್ ನ ರೋಚಕ ಗೆಲವು ಸಾಧಿಸಿದೆ.

ಮೊದಲು ಬ್ಯಾಟ್ ಮಾಡಿದ ಸ್ಕಾಟ್ಲೆಂಡ್ 210 ರನ್ ಗೆ ಆಲೌಟ್ ಆಯಿತು. 211 ರನ್ ಗುರಿಯನ್ನು ಬೆನ್ನತ್ತಿದ್ದ ಆಫ್ಘಾನಿಸ್ತಾನ ಕೊನೆಯ ಓವರ್ ನ ಮೂರನೇ ಎಸೆತದಲ್ಲಿ ಗೆಲುವಿನ ನಗೆ ಬೀರಿದೆ.

ಸಮೀವುಲ್ಲಾ ಶೆನ್ವಾರಿ ಆಫ್ಘಾನ್ ಗೆಲುವಿನಲ್ಲಿ ಪ್ರಮುಖ ಪಾತ್ರ ವಹಿಸಿದ್ದಾರೆ. ಕೇವಲ 4 ರನ್ನಿಂದ ಶತಕ ವಂಚಿತರಾದ ಶೆನ್ವಾರಿ ತಮ್ಮ ತಂಡವನ್ನ ಗೆಲುವಿನ ಸನಿಹಕ್ಕೆ ತಂದರು.
ಬೌಲರ್ ಗಳಾದ ಹಮೀದ್ ಹಸನ್ ಮತ್ತು ಶಾಪೂರ್ ಜದ್ರನ್ ಅಪರಿಮಿತ ಒತ್ತಡದಲ್ಲಿಯೂ ಕೆಚ್ಚೆದೆಯ ಬ್ಯಾಟಿಂಗ್ ಪ್ರದರ್ಶನ ನೀಡಿ ತಂಡಕ್ಕೆ ಚೊಚ್ಚಲ ಗೆಲುವು ತಂದುಕೊಟ್ಟರು.

ಇದಕ್ಕೂ ಮುನ್ನ ಸ್ಕಾಟ್ಲೆಂಡ್ ತಂಡ ಸಾಧಾರಣ ಮೊತ್ತ ಕಲೆಹಾಕಿತು. ಯಾವೊಬ್ಬರೂ ಅರ್ಧಶತಕದ ಗಡಿ ದಾಟಲಿಲ್ಲ. ಆಫ್ಘನ್ ಬೌಲರುಗಳು ಬಿಗಿಬೌಲಿಂಗ್ ಪ್ರದರ್ಶನ ನೀಡಿ ಸ್ಕಾಟ್ಲೆಂಡಿಗರನ್ನ ಕಟ್ಟಿಹಾಕಿದರು.