ತಿರುವನಂತಪುರಂ: ಹಾಲಿ ಚಾಂಪಿಯನ್ ಹರಿಂದರ್ ಪಾಲ್ ಸಂಧು ಗೆಲವಿನ ಸಮೀಪಕ್ಕೆ ಬಂದಿದ್ದರು ಪ್ರಶಸ್ತಿ ಉಳಿಸಿಕೊಳ್ಳಲುವಲ್ಲಿ ವಿಫಲವಾದ ಪರಿಣಾಮ ಎಸ್‍ಬಿಟಿ 63ನೇ ಹಿರಿಯರ ರಾಷ್ಟ್ರೀಯ ಸ್ಕ್ವಾಷ್ ಚಾಂಪಿಯನ್‍ಶಿಪ್‍ನಲ್ಲಿ ಸೌರವ್ ಘೋಶಾಲ್ ಚಾಂಪಿಯನ್ ಆಗಿದ್ದಾರೆ.
ಭಾನುವಾರ ನಡೆದ ಪುರುಷರ ಸಿಂಗಲ್ಸ್ ವಿಭಾಗದ ಪ್ರಶಸ್ತಿ ಸುತ್ತಿನ ಪಂದ್ಯದಲ್ಲಿ ಸೌರವ್ ಘೋಶಾಲ್ ತಮ್ಮ ಎದುರಾಳಿ ಹರಿಂದರ್ ವಿರುದ್ಧ 8-11, 4-11, 11-6, 11-7, 11-6 ರೋಚಕ ಗೆಲವು ದಾಖಲಿಸಿದರು. ಇನ್ನು ಮಹಿಳೆಯರ ಸಿಂಗಲ್ಸ್ ವಿಭಾಗದಲ್ಲಿ ಜೋಷ್ನಾ ಚಿನ್ನಪ್ಪ 11-6, 12-10, 11-5 ಅಂತರದಿಂದ ಗೆಲವು ದಾಖಲಿಸಿದರು. ಪಂದ್ಯದ ಆರಂಭಿಕ ಎರಡು ಗೇಮ್ ಗಳಲ್ಲಿ ಸೋಲನುಭವಿಸಿದ್ದ ಸೌರವ್ ಘೋಶಾಲ್ ನಂತರದ ಮೂರು ಸೆಟ್ ಗಳನ್ನು ಗೆದ್ದುಕೊಳ್ಳುವ ಮೂಲಕ ಅದ್ಭುತ ಆಟ ಪ್ರದರ್ಶಿಸಿದರು. ಆರಂಭಿಕ ಎರಡು ಗೇಮ್ ಗಳನ್ನು ಗೆದ್ದ ನಂತರ ಹರಿಂದರ್ ತಮ್ಮ ಪ್ರಶಸ್ತಿ ಉಳಿಸಿಕೊಳ್ಳುವ ನಿರೀಕ್ಷೆ ಇತ್ತು. ಆದರೆ ಘೋಶಾಲ್ ಅವರ ಹೋರಾಟಕಾರಿ ಪ್ರದರ್ಶನ ಪ್ರಶಸ್ತಿ ಗೆಲ್ಲುವಂತೆ ಮಾಡಿತು.
ಇನ್ನುಮಹಿಳೆಯರ ವಿಭಾಗದಲ್ಲಿ ಜೋಷ್ನಾ ಎಂದಿನಂತೆ ತಮ್ಮ ಉತ್ತಮ ಫಾರ್ಮ್ ಮುಂದುವರಸಿದ್ದು, ಹರ್ಷಿತ್ ಕೌರ್ ಜವಾಂಡ ವಿರುದ್ಧ ಜಯಿಸಿದರು.