ನವದೆಹಲಿ: ರಾಷ್ಟ್ರೀಯ ಹಾಕಿ ತಂಡದ ತರಬೇತುದಾರನ ಹುದ್ದೆಯಿಂದ ಹಾಲೆಂಡ್ ಮೂಲದ ಪಾಲ್ ವ್ಯಾನ್ ಆ್ಯಸ್ ಅವರು ಪದಚ್ಯುತಗೊಂಡಿರುವುದು ಅಧಿಕೃತವಾಗಿದೆ. ಅವರನ್ನು ಕೋಚ್ ಹುದ್ದೆಯಿಂದ ವಜಾಗೊಳಿಸಿರುವುದಾಗಿ ಹಾಕಿ ಇಂಡಿಯಾ ಅಧಿಕೃತವಾಗಿ ಪ್ರಕಟಿಸಿದೆ.
ಇದರೊಂದಿಗೆ ಕಳೆದ ನಾಲ್ಕು ದಿನಗಳಿಂದ ಎದ್ದಿದ್ದ ಬೇಗುದಿಗೆ ಸಂಸ್ಥೆ ತೆರೆ ಎಳೆದಿದೆ. ಪಾಲ್ ಅವರ ಸ್ಥಾನಕ್ಕೆ ತಂಡದ ಗರಿಷ್ಠ ಪ್ರದರ್ಶನ ನಿರ್ದೇಶಕರಾಗಿರುವ ಹಾಲೆಂಡ್ ನವರೇ ಆದ ರೀಲಂಟ್ ಓಲ್ಟ್ಸ್ ಮನ್ಸ್ ಅವರನ್ನು ನೇಮಿಸಲಾಗಿದೆ. ಇನ್ನು ಭಾರತ ತಂಡದ ಸಹಾಯಕ ಕೋಚ್ ವೈಯಕ್ತಿಕ ಕಾರಣ ನೀಡಿ ತಮ್ಮ ಸ್ಥಾನಕ್ಕೆ ರಾಜೀನಾಮೆ ನೀಡಿದ್ದಾರೆ.