ಟೆನ್ಪಿನ್: ಮೊಟ್ಟಮೊದಲ ಬೆಂಗಳೂರು ಓಪನ್ ಟೆನ್ಪಿನ್ ಚಾಂಪಿಯನ್ ಶಿಪ್ನಲ್ಲಿ ತಮಿಳುನಾಡಿನ ಶಬ್ಬೀರ್ ಧಾನ್ಕೋಟ್ ಚಾಂಪಿಯನ್ ಆಗಿ ಹೊರಹೊಮ್ಮಿದ್ದಾರೆ. ನಗರದ ಓರಿಯಾನ್ ಮಾಲ್ ನಲ್ಲಿ ನಡೆದ ಪ್ರಶಸ್ತಿ ಸುತ್ತಿನ ಮಾಸ್ಟರ್ಸ್ ರೌಂಡ್ಸ್ ನ ಫೈನಲ್‍ನಲ್ಲಿ ಒಟ್ಟು 1709 ಅಂಕಗಳನ್ನು ಗಳಿಸಿದ ಶಬ್ಬೀರ್, ದೆಹಲಿಯ ಎನ್ಪಿ. ಸಿಂಗ್ ಅವರನ್ನು ಹಿಂದಿಕ್ಕಿ ಪ್ರಶಸ್ತಿಯನ್ನು ತಮ್ಮದಾಗಿಸಿಕೊಂಡರು. ಈ ವಿಭಾಗದಲ್ಲಿ ರಾಜ್ಯದ ಆಟಗಾರರಾದ ಆಕಾಶ್ ಅಶೋಕ್ ಕುಮಾರ್ ಹಾಗೂ ವಿಜಯ್ ಪಂಜಾಬಿ ಕ್ರಮವಾಗಿ 3ನೇ ಹಾಗೂ 4ನೇ ಸ್ಥಾನಕ್ಕೆ ತೃಪ್ತಿಪಡಬೇಕಾಯಿತು.

ಚಾಂಪಿಯನ್ ಆದ ಶಬ್ಬೀರ್, ರನ್ನರ್‍ಅಪ್ ಪ್ರಶಸ್ತಿ ಪಡೆದ ಎನ್.ಪಿ. ಸಿಂಗ್ ಅವರು, ಚಾಲೆಂಜ್ ದ ಲೀಡರ್ ಫೈನಲ್ ಪಂದ್ಯಾವಳಿಯಲ್ಲಿ ಭಾಗವಹಿಸುವ ಅರ್ಹತೆ ಪಡೆದಿದ್ದಾರೆ.

ಆಕಾಶ್, ವಿಜಯ್ ಗೆನಿರಾಸೆ: ಫೈನಲ್ ಪಂದ್ಯಕ್ಕೂ ಮೊದಲು ನಡೆದ ಸ್ಪರ್ಧೆಯಲ್ಲಿ, ಟೂರ್ನಿಯ 3ನೇ ಶ್ರೇಯಾಂಕಿತ ಆಕಾಶ್ ಅಶೋಕ್ ಕುಮಾರ್ ಅವರಿಗೆ 4ನೇ ಶ್ರೇಯಾಂಕಿತ ವಿಜಯ್ ಪಂಜಾಬಿಯವರೇ ಟೂರ್ನಿಯ ತೃತೀಯ ಹಾಗೂ ಚತುರ್ಥ ಸ್ಥಾನಗಳಿಗೆ ಪೈಪೊಟಿ ನೀಡಿದ್ದು ವಿಶೇಷವಾಗಿತ್ತು