ನವದೆಹಲಿ: ಕ್ರಿಕೆಟ್ ಕ್ರೀಡೆಯನ್ನು ಜಾಗತಿಕವಾಗಿ ಬೆಳೆಸುವ ಉದ್ದೇಶದಿಂದ ತಮ್ಮ ಸಲಹೆಗಳನ್ನು ನೀಡುತ್ತಿರುವ ಕ್ರಿಕೆಟ್ ದಿಗ್ಗಜ ಸಚಿನ್ ತೆಂಡೂಲ್ಕರ್ ಮುಂದಿನ ವಿಶ್ವಕಪ್ ಟೂರ್ನಿಯಲ್ಲಿ 25 ತಂಡಗಳನ್ನು ಆಡಿಸಬೇಕು ಎಂದು ಅಭಿಪ್ರಾಯಪಟ್ಟಿದ್ದಾರೆ.
ಮುಂದಿನ 2019ರ ವಿಶ್ವಕಪ್ ನಲ್ಲಿ ಭಾಗವಹಿಸಲಿರುವ ತಂಡಗಳ ಸಂಖ್ಯೆಯನ್ನು 10ಕ್ಕೆ ಕಡಿಮೆ ಮಾಡಬೇಕೆಂಬ ಐಸಿಸಿ ನಿರ್ಧಾರ `ಹಿನ್ನಡೆಯ ನಿರ್ಧಾರ' ಎಂದು ಸಚಿನ್ ತೆಂಡೂಲ್ಕರ್ ತಿಳಿಸಿದ್ದಾರೆ. ಟೆಸ್ಟ್ ಆಡುವ ರಾಷ್ಟ್ರಗಳ `ಎ' ತಂಡಗಳು, ಸಹಾಯಕ ಸಂಸ್ಥೆಗಳ ತಂಡಗಳ ಜತೆಗೆ ನಿರಂತರವಾಗಿ ಆಡುತ್ತಿರಬೇಕು. ಆಗ ಆ ತಂಡಗಳು ಉತ್ತಮ ರೀತಿಯಲ್ಲಿ ಅನುಭವ ಪಡೆಯಲು ವೇದಿಕೆ ನೀಡಿದಂತಾಗಲಿದೆ ಎಂದಿದ್ದಾರೆ.