ಮುಂಬೈ: ತಮಿಳುನಾಡು ವಿರುದ್ಧದ ಫೈನಲ್ ಪಂದ್ಯದಲ್ಲಿ ಕರ್ನಾಟಕ ತಂಡ ಭರ್ಜರಿ ಜಯ ಗಳಿಸಿದ್ದು, ಸತತ ಎರಡನೇ ಬಾರಿ ರಣಜಿ ಟ್ರೋಫಿ ಎತ್ತಿ ಹಿಡಿದಿದೆ.

ಮುಂಬೈನ ವಾಂಖೆಡೆ ಕ್ರೀಡಾಂಗಣದಲ್ಲಿ ನಡೆದ ಫೈನಲ್ ಪಂದ್ಯದಲ್ಲಿ ತಮಿಳುನಾಡು ವಿರುದ್ಧ ಕರ್ನಾಟಕ ಇನ್ನಿಂಗ್ಸ್ ಮತ್ತು 217 ರನ್'ಗಳಿಂದ ಗೆಲುವು ಸಾಧಿಸಿದೆ. ಕೊನೆಯ ದಿನದಾಟ ತಮಿಳುನಾಡು ಎರಡನೇ ಇನ್ನಿಂಗ್ಸ್ 411 ರನ್ನಿಗೆ ಕೊನೆಗೊಂಡಿತು.

ತಮಿಳುನಾಡು ಪರ ದಿನೇಶ್ ಕಾರ್ತಿಕ್ ಮತ್ತು ವಿಜಯ್ ಶಂಕರ್ ಶತಕ ಭಾರಿಸಿದ್ದು ವಿಶೇಷ. ಇವರಿಬ್ಬರನ್ನ ಬಿಟ್ಟರೆ, ಬಾಬಾ ಅಪರಾಜಿತ್ ನಿನ್ನೆ 68 ರನ್ ಗಳಿಸಿದ್ದು ಮತ್ತೊಂದು ಗಮನಾರ್ಹ ಮೊತ್ತ.

ಕರ್ನಾಟಕದ ಪರ ಶ್ರೇಯಸ್ ಗೋಪಾಲ್ 4 ವಿಕೆಟ್, ಎಸ್.ಅರವಿಂದ್ ಮತ್ತು ವಿನಯ್ ಕುಮಾರ್ ತಲಾ 2 ವಿಕೆಟ್ ಪಡೆದಿದ್ದಾರೆ.

ಸ್ಕೋರು ವಿವರ:
ತಮಿಳುನಾಡು ಮೊದಲ ಇನ್ನಿಂಗ್ಸ್ 62.4 ಓವರ್ 134 ರನ್ ಆಲೌಟ್
ಕರ್ನಾಟಕ ಮೊದಲ ಇನ್ನಿಂಗ್ಸ್ 231.2 ಓವರ್ 762 ರನ್ ಆಲೌಟ್
ತಮಿಳುನಾಡು ಎರಡನೇ ಇನ್ನಿಂಗ್ಸ್ 107.5 ಓವರ್ 411 ರನ್ ಆಲೌಟ್
(ದಿನೇಶ್ ಕಾರ್ತಿಕ್ 120, ವಿಜಯ್ ಶಂಕರ್ 103, ಬಾಬಾ ಅಪರಾಜಿತ್ 68, ಎಂ.ರಂಗರಾಜನ್ 33, ಮುರಳಿ ವಿಜಯ್ 27 ರನ್ - ಶ್ರೇಯಸ್ ಗೋಪಾಲ್ 126/4, ವಿನಯ್ ಕುಮಾರ್ 43/2, ಎಸ್.ಅರವಿಂದ್ 52/2)