ಮೆಲ್ಬರ್ನ್: ನ್ಯೂಜೀಲ್ಯಾಂಡ್ ವಿರುದ್ಧ ಭಾನುವಾರ ನಡೆಯಲಿರುವ ಕ್ರಿಕೆಟ್ ವಿಶ್ವಕಪ್ ಫೈನಲ್ಸ್ ಪಂದ್ಯ ತಮ್ಮ ಕೊನೆಯ ಒಂದು ದಿನದ ಅಂತರಾಷ್ಟ್ರೀಯ ಪಂದ್ಯವಾಗಲಿದೆ ಎಂದು ಆಸ್ಟ್ರೇಲಿಯಾ ಕ್ರಿಕೆಟ್ ತಂಡದ ನಾಯಕ ಮೈಕೆಲ್ ಕ್ಲಾರ್ಕ್ ಘೋಷಿಸಿದ್ದಾರೆ.
ಟೆಸ್ಟ್ ಕ್ರಿಕೆಟ್ ಮುಂದುವರೆಸಲಿರುವ ಕ್ಲಾರ್ಕ್, ಒಂದು ದಿನದ ಕ್ರಿಕೆಟ್ ಪಂದ್ಯಗಳಿಂದ ವಿರಾಮ ತೆಗೆದುಕೊಳ್ಳುವುದರಿಂದ ತಮ್ಮ ಕ್ರಿಕೆಟ್ ಜೀವನ ದೀರ್ಘಾವಧಿಗೆ ಮುಂದುವರೆಯಲಿದೆ ಎಂದಿದ್ದಾರೆ.
ಮೆಲ್ಬರ್ನ್ ಕ್ರಿಕೆಟ್ ಮೈದಾನದಲ್ಲಿ ನಡೆಯಲಿರುವ ಈ ಫೈನಲ್ಸ್ ಪಂದ್ಯ ಕ್ಲಾರ್ಕ್ ಅವರಿಗೆ ಇದು ಎರಡನೆ ವಿಶ್ವಕಪ್ ಹಾಗೂ ೨೪೫ನೆ ಒಂದು ದಿನದ ಕ್ರಿಕೆಟ್ ಪಂದ್ಯ.
ಮುಂದಿನವಾರ ೩೪ನೆ ವಸಂತಕ್ಕೆ ಕಾಲಿಡಲಿರುವ ಕ್ಲಾರ್ಕ್ "ಇದು ಸರಿಯಾದ ಸಮಯ" ಎಂದು ಘೋಷಿಸಿದ್ದಾರೆ.