ನವದೆಹಲಿ: ಭಾರತ ತಂಡ ವಿಶ್ವಕಪ್ ಸೆಮಿಫೈನಲ್ ಸುತ್ತಿನಲ್ಲಿ ಆಸ್ಟ್ರೇಲಿಯಾ ವಿರುದ್ಧ ಸೋತಿದ್ದರೂ ಬಿಸಿಸಿಐ ಅಧ್ಯಕ್ಷ ಜಗಮೋಹನ್ ದಾಲ್ಮಿಯಾ ತಂಡದ ಪ್ರದರ್ಶನದ ಬಗ್ಗೆ ತೃಪ್ತಿ ವ್ಯಕ್ತಪಡಿಸಿದ್ದು, ಈವರೆಗಿನ ಪ್ರದರ್ಶನಕ್ಕೆ ಅಭಿನಂದನೆ ಸಲ್ಲಿಸಿದ್ದಾರೆ.

ವಿಶ್ವಕಪ್ ಟೂರ್ನಿಯಲ್ಲಿ ಅತ್ಯುತ್ತಮ ಪ್ರದರ್ಶನ ನೀಡಿದ ಭಾರತ ಕ್ರಿಕೆಟ್ ತಂಡಕ್ಕೆ ಅಬಿsನಂದನೆ ಸಲ್ಲಿಸುತ್ತೇನೆ. ಟೂರ್ನಿಯಲ್ಲಿ ಉತ್ತಮ ಕ್ರೀಡಾಮನೋಭಾವದಿಂದ ಆಡಿದ್ದು, ತಮ್ಮ ಕೌಶಲ್ಯವನ್ನು ದರ್ಶಿಸಿದ್ದಾರೆ. ಈ ಮೂಲಕ ಕೋಟ್ಯಾಂತರ ಅಭಿಮಾನಿಗಳನ್ನು ರಂಜಿಸಿದ್ದಾರೆ ಎಂದು ದಾಲ್ಮಿಯಾ ಅಭಿಪ್ರಾಯಪಟ್ಟರು. ಇನ್ನು ಪಂದ್ಯದ ಕುರಿತು ಮಾತನಾಡಿದ ಬಿಸಿಸಿಐ ಕಾರ್ಯದರ್ಶಿ ಅನುರಾಗ್ ಠಾಕೂರ್, ತಂಡದ ಪ್ರದರ್ಶನದಿಂದ ಬಿಸಿಸಿಐ ತೃಪ್ತಿಯಾಗಿದೆ. ತಮ್ಮ ಕೈಯಲ್ಲಾದ ಪ್ರಯತ್ನದಿಂದ ತಂಡವನ್ನು ಉಪಾಂತ್ಯದವರೆಗೂ ತಂದ ತಂಡಕ್ಕೆ ಅಭಿನಂದನೆಗಳು ಎಂದಿದ್ದಾರೆ.