ಬೆಂಗಳೂರು: ಸಂಘಟಿತ ಪ್ರದರ್ಶನ ನೀಡುವಲ್ಲಿ ಯಶಸ್ವಿಯಾದ ಹಾಲಿ ಚಾಂಪಿಯನ್ ಬೆಂಗಳೂರು ಎಫ್ ಸಿಐ ಲೀಗ್ ಫುಟ್ಬಾಲ್ ಟೂರ್ನಿಯಲ್ಲಿ ಈಸ್ಟ್ ಬೆಂಗಾಲ್ ವಿರುದ್ಧ ಜಯ ದಾಖಲಿಸಿದೆ. ನಗರದ ಶ್ರೀ ಕಂಠೀರವ ಕ್ರೀಡಾಂಗಣದಲ್ಲಿ ಭಾನುವಾರ ನಡೆದ ಪಂದ್ಯದಲ್ಲಿ ಬೆಂಗಳೂರು ಎಫ್ ಸಿ 3-0 ಗೋಲುಗಳ ಅಂತರದಲ್ಲಿ ಈಸ್ಟ್ ಬೆಂಗಾಲ್ ವಿರುದ್ಧ ಗೆಲುವು ದಾಖಲಿಸಿತು.
ತವರಿನ ಅಭಿಮಾನಿಗಳ ಬೆಂಬಲದೊಂದಿಗೆ ಆರಂಭದಿಂದ ಅಂತ್ಯದವರೆಗೂ ಅತ್ಯುತ್ತಮ ಪ್ರದರ್ಶನ ನೀಡಿದ ಬಿಎಫ್ ಸಿ ಜಯ ಸಾಧಿಸಿತು. 32 ನೇ ನಿಮಿಷದಲ್ಲಿ ಯುಗೆನ್ಸನ್ ಲಿಂಗ್ಡೊ ಅವರಿಂದ ಪಾಸ್ ಪಡೆದ ಸೀನ್ ರೂನಿ ಚೆಂಡನ್ನು ಗೋಲು ಪೆಟ್ಟಿಗೆಗೆ ಸೇರಿಸುವಲ್ಲಿ ಯಶಸ್ವಿಯಾದರು.
ಎರಡನೇ ಅವಧಿಯಲ್ಲೂ ಉತ್ತಮ ಪ್ರದರ್ಶನ ಮುಂದುವರಿಸಿದ ಬಿಎಫ್ ಸಿ 60ನೇ ನಿಮಿಷದಲ್ಲಿ ಮತ್ತೊಂದು ಗೋಲು ದಾಖಲಿಸಿತು. ಈ ವೇಳೆ ಯುಗೆನ್ಸನ್ ಅವರ ಫ್ರೀ ಕಿಕ್ ಅನ್ನು ಸುನೀಲ್ ಛೆಟ್ರಿ ಹೆಡ್ ಮಾಡಿ ಗೋಲು ದಾಖಲಿಸಿದರು. 87ನೇ ನಿಮಿಷದಲ್ಲಿ  ರಾಬಿನ್ ಸಿಂಗ್ , ಸಿಕ್ಕ ಅವಕಾಶವನ್ನು ಬಳಸಿಕೊಂಡು ಗೋಲು ದಾಖಲಿಸಿ ತಂಡಕ್ಕೆ ಅರ್ಹ ಗೆಲುವು ತಂದುಕೊಟ್ಟರು.