ನವದೆಹಲಿ: 22 ಮಂದಿಯ ಭಾರತೀಯ ಅಥ್ಲೀಟ್ ತಂಡ ಏಷಿಯನ್ ಯೂತ್ ಚಾಂಪಿಯನ್ ಶಿಪ್ ನಲ್ಲಿ ಭಾಗವಹಿಸಲು ದೋಹಾಗೆ ಪಯಣ ಬೆಳೆಸಿದೆ.
ಮೇ 8 ರಿಂದ ಮೇ 11 ರ ವರೆಗೆ 3 ದಿನಗಳ ಕಾಲ ನಡೆಯುವ ಏಷಿಯನ್ ಯೂತ್ ಚಾಂಪಿಯನ್ ಶಿಪ್ ನಲ್ಲಿ ಯುವ ಪ್ರತಿಭೆಗಳಾದ ಬೇಂತ್ ಸಿಂಗ್, ಜಿಸ್ನಾ ಮ್ಯಾಥ್ಯೂ, ತರಭೇತುದಾರರಾಗಿ ಪಿಟಿ ಉಷಾ, ತೇಜಸ್ವಿನಿ ಶಂಕರ್, ಅಭಿಷೇಕ್ ದ್ರಾಲ್, ಅಶಿಸ್ ಜಾಖರ್ ಸೇರಿದಂತೆ 22 ಮಂದಿ ಭಾಗವಹಿಸಲಿದ್ದಾರೆ.
ಈ ಚ್ಯಾಂಪಿಯನ್ ಶಿಪ್ ನಲ್ಲಿ ಸುಮಾರು 40 ದೇಶದ 400 ಕ್ರೀಡಾಪಟುಗಳು ಭಾಗವಹಿಸಲಿದ್ದಾರೆ. 170 ಕೋಚ್ ಗಳು ಹಾಗೂ ವೈದ್ಯರು ಪಾಲ್ಗೋಳ್ಳಲಿದ್ದಾರೆ.
ಏಪ್ರಿಲ್ ನಲ್ಲಿ  ಗೋವಾದಲ್ಲಿ ನಡೆದ ನ್ಯಾಷನಲ್ ಯೂತ್ ಚ್ಯಾಂಪಿಯನ್ ಶಿಪ್ ನಲ್ಲಿ  ಉತ್ತಮ ಪ್ರದರ್ಶನ ತೋರಿದ ಆಟಗಾರರನ್ನು ಆಯ್ಕೆ ಮಾಡಲಾಗಿತ್ತು. ಈ ಆಟಗಾರರಿಗೆ ಸೋನ್ ಪೇಟ್ ನಲ್ಲಿ ತರಭೇತಿ ಕೂಡ ನೀಡಲಾಗಿದೆ.