ನವದೆಹಲಿ: ಮುಂದಿನ ತಿಂಗಳು ಚೀನಾದ ವುಹಾನ್ನಲ್ಲಿ ನಡೆಯಲಿರುವ 21ನೇ ಏಷ್ಯನ್ ಅಥ್ಲೆಟಿಕ್ಸ್ ಚಾಂಪಿಯನ್‍ಶಿಪ್‍ಗಾಗಿ ತೆರಳಲಿರುವ ಭಾರತ ತಂಡವನ್ನು ಪ್ರಕಟಿಸಲಾಗಿದ್ದು, ಕರ್ನಾಟಕದ ಎಂ.ಆರ್. ಪೂವಮ್ಮ ಅವರು ಸ್ಥಾನ ಪಡೆದಿದ್ದಾರೆ.

ಒಟ್ಟು 47 ಕ್ರೀಡಾಳುಗಳ ಪಟ್ಟಿಯನ್ನು ಬಿಡುಗಡೆ ಮಾಡಿದ್ದು ಜೂ. 3ರಿಂದ 7ರವರೆಗೆ ನಡೆಯಲಿರುವ ಈ ಕ್ರೀಡಾಕೂಟದಲ್ಲಿ ಈ ತಂಡ ಪಾಲ್ಗೊಳ್ಳಲಿದೆ ಎಂದು ಐಬಿಎನ್ ಲೈವ್ ಜಾಲತಾಣ ವರದಿ ಮಾಡಿದೆ. ಭಾರತದ 4ಗಿ 400 ಮೀ. ರಿಲೇ ವಿಭಾಗದಲ್ಲಿ ಪೂವಮ್ಮ ಅವರು ಆಯ್ಕೆಯಾಗಿದ್ದು, ಈ ತಂಡದಲ್ಲಿ ಟಿಂಟು ಲೂಕಾ, ದೇಬಶ್ರೀ ಮಜುಂದಾರ್, ಜಿಸ್ನಾ ಮ್ಯಾಥ್ಯೂ, ಅಂಜು ಥಾಮಸ್ ಅವರಿದ್ದಾರೆ.

ಅಕ್ಕುಂಜಿ ಇಲ್ಲ: ಟಾರ್ಗೆಟ್ ಒಲಿಂಪಿಕ್ಸ್ ಪೋಡಿಯಂ ಯೋಜನೆ (ಟಿಒಪಿ)ಗೆ ಆಯ್ಕೆಯಾಗಿರುವ ಕರ್ನಾಟಕದ ಅಶ್ವಿನಿ ಅಕ್ಕುಂಜಿ ಹಾಗೂ ಮಂದೀಪ್ ಕೌರ್, ಏಷ್ಯನ್ ಅಥ್ಲೆಟಿಕ್ಸ್ ಚಾಂಪಿಯನ್‍ಶಿಪ್‍ಗೆ ಆಯ್ಕೆಯಾಗಿಲ್ಲ. ಈ ಬಗ್ಗೆ ಸ್ಪಷ್ಟನೆ ನೀಡಿರುವ ಐಎಎಫ್ ಮುಖ್ಯಸ್ಥ ಮನೀಶ್ ಕುಮಾರ್, ಅಶ್ವಿನಿ ಅಕ್ಕುಂಜಿ, ಮಂದೀಪ್ ಕೌರ್, ಸಿನಿ ಜೋಸ್, ಪ್ರಿಯಾಂಕಾ ಪನ್ವಾರ್, ಜೌನಾ ಮರ್ಮು ಅವರನ್ನು ಒಲಿಂಪಿಕ್ಸ್ಗಾಗಿ ತಯಾರಿಗೊಳಿಸಲಾಗುತ್ತಿದೆ ಎಂದಿದ್ದಾರೆ.