ಇದೇ ತಿಂಗಳು ತವರಿನ ಅಂಗಣದಲ್ಲಿ ನಡೆಯಲಿರುವ ಗುಹಾಮ್ ವಿರುದ್ಧ ಫಿಫಾ ವಿಶ್ವಕಪ್ ಅರ್ಹತಾ ಸುತ್ತಿನ ಪಂದ್ಯಕ್ಕೆ ತಂಡದ ಕೋಚ್ ಸ್ಟೀಫನ್ ಕಾನ್ಸ್ ಟಾಂಟೀನ್ ಭಾರತ ತಂಡವನ್ನು ಪ್ರಕಟಿಸಿದ್ದಾರೆ.
ಭಾರತ-ಗುವಾಮ್ ನಡುವಿನ ಪಂದ್ಯ ಬೆಂಗಳೂರಿನ ಶ್ರೀಕಂಠೀರವ ಸ್ಟೇಡಿಯಂನಲ್ಲಿ ನ.12 ರಂದು ನಡೆಯಲಿದೆ. ಜೂನ್‌ನಲ್ಲಿ ನಡೆದ ವಿಶ್ವಕಪ್ ಅರ್ಹತಾ ಸುತ್ತಿನ ಪಂದ್ಯದಲ್ಲಿ ಭಾರತ ತಂಡ ಗುವಾಮ್ ವಿರುದ್ಧ ಅದರದೇ ನೆಲದಲ್ಲಿ 1-2 ರಿಂದ ಸೋಲುವ ಮೂಲಕ ಮುಖಭಂಗ ಅನುಭವಿಸಿತ್ತು.
‘ಡಿ’ ಗುಂಪಿನಲ್ಲಿ ಈ ತನಕ ಆಡಿರುವ ಎಲ್ಲ ಐದೂ ಪಂದ್ಯಗಳನ್ನು ಸೋತಿರುವ ಭಾರತ ಈಗಾಗಲೇ ಫೈನಲ್ ಸುತ್ತಿಗೆ ಅರ್ಹತೆ ಪಡೆಯುವ ಅವಕಾಶ ಕಳೆದುಕೊಂಡಿದೆ. ಗುಂಪು ಹಂತದಲ್ಲಿ ವಿಜೇತರಾಗುವ 8 ತಂಡಗಳು ಹಾಗೂ ನಾಲ್ಕು ಶ್ರೇಷ್ಠ ರನ್ನರ್ಸ್‌ಅಪ್ ತಂಡಗಳು(ಒಟ್ಟು 12 ತಂಡಗಳು) 2018ರ ಫಿಫಾ ವಿಶ್ವಕಪ್ ಹಾಗೂ 2019ರ ಎಎಫ್‌ಸಿ ಏಷ್ಯನ್ ಕಪ್ ಫೈನಲ್ಸ್‌ನ ಅಂತಿಮ ಅರ್ಹತಾ ಸುತ್ತಿಗೆ ತೇರ್ಗಡೆಗೊಳ್ಳಲಿದೆ.
ಭಾರತ ತಂಡ:
ಗೋಲ್‌ಕೀಪರ್‌ಗಳು: ಸುಬ್ರತಾ ಪಾಲ್, ಗುರುಪ್ರೀತ್ ಸಿಂಗ್ ಸಂಧು, ಕರಣ್‌ಜೀತ್ ಸಿಂಗ್,ಲಕ್ಷ್ಮೀಕಾಂತ್ ಕಟ್ಟಿಮನಿ.
ಡಿಫೆಂಡರ್‌ಗಳು: ಅರ್ನಬ್ ಮಂಡಳ್, ಸಂದೇಶ್ ಜಿಂಗಾನ್, ಐಬಾರ್ಲಂಗ್ ಖೋಗ್‌ಜೀ, ಲಾಲ್‌ಚುಯಾನ್‌ಮಾವಿಯಾ, ನಾರಾಯಣ್ ದಾಸ್, ಪ್ರೀತಂ ಕೊಟಲ್, ಅಗಿಸ್ಟೈನ್ ಫೆರ್ನಾಂಡಿಸ್, ರಾಬಿನ್ ಗುರಂಗ್.
ಮಿಡ್‌ಫೀಲ್ಡರ್‌ಗಳು: ಯುಗೆನ್ಸನ್ ಲಿಂಗ್ಡೊ, ಕೇವಿನ್ ಲೊಬೊ, ಸ್ನೇಹಜ್ ಸಿಂಗ್, ಪ್ರಣಯ್ ಹಲ್ದರ್, ಫ್ರಾನ್ಸಿಸ್ ಫೆರ್ನಾಂಡಿಸ್, ರಾವ್ಲಿನ್ ಬಾರ್ಗೆಸ್, ರಾಮಿಯೊ ಫೆರ್ನಾಂಡಿಸ್, ಬಿಕಾಶ್ ಜೈರು, ಹರ್ಮನ್‌ಜೋತ್ ಸಿಂಗ್.