ನ್ಯೂಯಾರ್ಕ್: ಪಾಕಿಸ್ತಾನ ಮಾಜಿ ವೇಗಿ ಶೋಯಬ್ ಅಖ್ತರ್ ಅವರು ತಮ್ಮ ಸುದೀರ್ಘ ಕಾಲದ ಎದುರಾಳಿ ಮ್ಯಾಸ್ಟರ್ ಬ್ಲಾಸ್ಟರ್ ಸಚಿನ್ ತೆಂಡೂಲ್ಕರ್ ಅವರ ತಂಡದಲ್ಲಿ ಸ್ಥಾನ ಪಡೆದಿರುವುದಕ್ಕೆ ನಿಟ್ಟೂಸಿರು ಬಿಟ್ಟಿದ್ದಾರೆ.

ಅಮೆರಿಕದಲ್ಲಿ ಕ್ರಿಕೆಟ್ ಕ್ರೀಡೆಯ ಜನಪ್ರಿಯತೆ ಹೆಚ್ಚಿಸಲು ನಡೆಯುತ್ತಿರುವ ಆಲ್ ಸ್ಟಾರ್ಸ್ ಲೀಗ್ ಇಂದಿನಿಂದ ಆರಂಭವಾಗಿದ್ದು, ಸಚಿನ್ ತಂಡದಲ್ಲಿ ಶೋಯಬ್ ಅಖ್ತರ್ ಸ್ಥಾನ ಪಡೆದಿದ್ದಾರೆ.

ಈ ಬಗ್ಗೆ ಮಾಧ್ಯಮಕ್ಕೆ ಪ್ರತಿಕ್ರಿಯಿಸಿರುವ ಅಖ್ತರ್, 'ಥ್ಯಾಂಕ್ ಗಾಡ್, ನಾನು ಸಚಿನ್ ತಂಡದಲ್ಲಿದ್ದೇನೆ. ಸಚಿನ್‌ಗಾಗಿ ಆಡುತ್ತಿದ್ದೇನೆ' ಎಂದಿದ್ದಾರೆ.

ಕಳೆದ 15 ವರ್ಷಗಳಿಂದ ನಾನು ಸಚಿನ್ ವಿರುದ್ಧ ಬೌಲಿಂಗ್ ಮಾಡುತ್ತಿದ್ದೆ. ನಿಜಕ್ಕೂ ಅದನ್ನು ಮುಂದುವರೆಸಲು ನನಗೆ ಇಷ್ಟವಿಲ್ಲ. ಅವರು ಒಬ್ಬ ಅತ್ಯುತ್ತಮ ಅಟಗಾರ ಎಂದು ಪಾಕ್ ಕ್ರಿಕೆಟಿಗ ಹೇಳಿದ್ದಾರೆ.