ಫುಜ್​ಹೋವು(ಚೀನಾ): ಚೀನಾ ಓಪನ್ ಸೂಪರ್ ಸೀರೀಸ್ ಪ್ರಿಮಿಯರ್ ಪಂದ್ಯದಲ್ಲಿ ಭಾರತದ ಅಗ್ರ ಬ್ಯಾಡ್ಮಿಂಟನ್ ಆಟಗಾರ್ತಿ ಸೈನಾ ನೆಹ್ವಾಲ್ ಅವರು ಜಯಗಳಿಸಿ ಮಹಿಳಾ ಸಿಂಗಲ್ಸ್ ಕ್ವಾರ್ಟರ್​ಫೈನಲ್ಸ್​ಗೆ ಪ್ರವೇಶಿಸಿದ್ದಾರೆ. 

ಹೈಕ್ಷಿಯಾ ಒಲಿಂಪಿಕ್ ಸ್ಪೋರ್ಟ್ಸ್ ಸೆಂಟರ್​ನಲ್ಲಿ ನಡೆದ ಪಂದ್ಯದಲ್ಲಿ ಮಲೇಷ್ಯಾದ ಟೀ ಜಿಂಗ್ ಯೀರೊಂದಿಗೆ 55 ನಿಮಿಷಗಳ ಕಾಲ ಸೆಣೆಸಿದ ಸೈನಾ 21-10, 19-21, 21-19 ಅಂಕಗಳ ಅಂತರದಲ್ಲಿ ಜಯ ಸಾಧಿಸಿದರು.

ಇನ್ನೊಂದೆಡೆ ಭಾರತದ ಮತ್ತೊರ್ವ ಆಟಗಾರ್ತಿ ಪಿ.ವಿ ಸಿಂಧು ಅವರು ಚೀನಾದ ಶಿಕ್ಷಿಯಾನ್ ವಾಂಗ್ ಅವರ ದಾಳಿಗೆ ತತ್ತರಿಸಿದ್ದು, ವಾಂಗ್ ವಿರುದ್ಧ 18-21, 21-18, 21-16 ಅಂತರದಲ್ಲಿ ಸೋಲನ್ನು ಅನುಭವಿಸಿ ಟೂರ್ನಿಯಿಂದ ಹೊರ ಬಂದರು.