ನವದೆಹಲಿ: ಇಂಗ್ಲೆಂಡ್‌ ನ ಮಾಜಿ ಫುಟ್ ಬಾಲ್‌ ಆಟಗಾರ ಡೇವಿಡ್ ಬೆಕ್ ಹ್ಯಾಮ್ ಸೆಕ್ಸಿಯೆಸ್ಟ್ ಮ್ಯಾನ್ ಎಂಬ ಗೌರವಕ್ಕೆ ಪಾತ್ರರಾಗಿದ್ದಾರೆ.
ಪೀಪಲ್‌ ಎಂಬ ಇಂಗ್ಲಿಷ್‌ ನಿಯತಕಾಲಿಕೆ ಡೇವಿಡ್ ಬೆಕ್ ಹ್ಯಾಮ್ 'ಸೆಕ್ಸಿಯೆಸ್ಟ್ ಮ್ಯಾನ್ ಅಲೈವ್‌' ಎಂಬ ಪ್ರಶಸ್ತಿ ನೀಡಿದೆ.
ಡೇವಿಡ್ ಬೆಕ್ ಹ್ಯಾಮ್ ಪಂದ್ಯವಾಡುತ್ತಿರುವಾಗಲೂ ತಮ್ಮ ಆಟದಿಂದ ಹಾಗೂ ವರ್ತನೆಯಿಂದ ಭಾರೀ ಸುದ್ದಿಯಾಗಿದ್ದರು. ನಿವೃತ್ತಿಯ ನಂತರವೂ ಅವರ ಜನಪ್ರಿಯತೆ ಕುಗ್ಗಿಲ್ಲ ಎನ್ನುವುದಕ್ಕೆ ಈ ಗೌರವ ಸಾಕ್ಷಿಯಾಗಿದೆ. ಇದು ತಮಗೆ ಲಭಿಸಿರುವ ಭಾರೀ ಗೌರವ ಎಂದು ಬೆಕ್‌ಹ್ಯಾಮ್‌ ಹೇಳಿಕೊಂಡಿದ್ದಾರೆ.
ನಾನು ಆಕರ್ಷಕವಾಗಿ ಹಾಗೂ ಸೆಕ್ಸಿ ಆಗಿದ್ದೇನೆ ಎಂದು ಯಾವತ್ತೂ ಅಂದುಕೊಂಡಿಲ್ಲ ಎಂದು ಹೇಳಿರುವ ಡೇವಿಡ್ ಬೆಕ್ ಹ್ಯಾಮ್ 2013 ರಲ್ಲಿ ನಿವೃತ್ತಿಯಾಗುವ ಮುನ್ನ 19 ಪ್ರಮುಖ ಟ್ರೋಫಿಗಳನ್ನು ತಮ್ಮ ಮುಡಿಗೇರಿಸಿಕೊಂಡಿದ್ದಾರೆ.