ಮೂಡುಬಿದರೆ: ಇಲ್ಲಿನ ಸ್ವರಾಜ್ ಮೈದಾನದಲ್ಲಿ ಮೂರು ದಿನಗಳ ಕಾಲ ನಡೆದ ಬಾಲಕ-  ಬಾಲಕಿಯರ ರಾಜ್ಯಮಟ್ಟದ ಕ್ರೀಡಾಕೂಟದಲ್ಲಿ ದಕ್ಷಿಣ ಕನ್ನಡ ಜಿಲ್ಲೆ ಸಮಗ್ರ ಪ್ರಶಸ್ತಿಯನ್ನು  ತನ್ನದಾಗಿಸಿಕೊಂಡಿದೆ.

ಕ್ರೀಡಾಕೂಟದಲ್ಲಿ ದಕ್ಷಿಣ ಕನ್ನಡ ಜಿಲ್ಲೆ ಬಾಲಕಿಯರ ವಿಭಾಗದಲ್ಲಿ 74 ಹಾಗೂ ಬಾಲಕರ  ಭಾಗದಲ್ಲಿ 38  ಅಂಕಗಳೊಂದಿಗೆ ಎರಡೂ ವಿಭಾಗದಲ್ಲೂ ಪ್ರಥಮ ಸ್ಥಾನ ಪಡೆಯಿತು. ಬಾಲಕರ  ಭಾಗದಲ್ಲಿ 21 ಹಾಗೂ ಬಾಲಕಿಯರ ವಿಭಾಗದಲ್ಲಿ 19 ಅಂಕಗಳನ್ನು ಪಡೆದ ವಿದ್ಯಾನಗರ ಕ್ರೀಡಾ  ಹಾಸ್ಟೆಲ್ ರನ್ನರ್ ಅಪ್ ಪ್ರಶಸ್ತಿಯನ್ನು ತನ್ನದಾಗಿಸಿಕೊಂಡಿದೆ. ಉಡುಪಿ ಜಿಲ್ಲೆಯನ್ನು
ಪ್ರತಿನಿಧಿಸಿದ್ದ ಅಬಿನ್ ಬಿ. ದೇವಾಡಿಗ ಬಾಲಕರ ವಿಭಾಗದಲ್ಲಿ ಹಾಗೂ ವಿದ್ಯಾನಗರ ಕ್ರೀಡಾ  ಸ್ಟೆಲ್‍ನ ಧನೇಶ್ವರಿ ಎ.ಟಿ. ಬಾಲಕಿಯರ ವಿಭಾಗದಲ್ಲಿ ಅತ್ಯುತ್ತಮ ಅಥ್ಲೀಟ್ ಪ್ರಶಸ್ತಿ ಪಡೆದಿದ್ದಾರೆ.

2 ಹೊಸ ಕೂಟ ದಾಖಲೆ: ಮೊದಲ ದಿನ 4 ಹೊಸ ಕೂಟ ದಾಖಲೆಗಳಾಗಿದ್ದು, ಕೊನೆಯ ದಿನ  ಬಾಲಕಿಯರ ಹಾಗೂ ಬಾಲಕರ ವಿಭಾಗದಲ್ಲಿ ತಲಾ ಒಂದರಂತೆ ಒಟ್ಟು ಎರಡು ದಾಖಲೆ  ಹೊಮ್ಮಿದವು. ಬಾಲಕರ ಪೋಲ್ ವಾಲ್ಟ್ ವಿಭಾಗದಲ್ಲಿ ದಕ್ಷಿಣ ಕನ್ನಡದ ಶ್ರೀಮಂಥ್ 3.40 ಮೀ.  ಎತ್ತರ ಜಿಗಿದು, 2011-12ರಲ್ಲಿ ಉತ್ತರ ಕನ್ನಡ ಜಿಲ್ಲೆಯ ಮಹಮ್ಮದ್ ಹಾಸನ್ ಅವರ 3.20  ಮೀ. ದಾಖಲೆಯನ್ನು ಹಿಂದಿಕ್ಕಿದರೆ, ಬಾಲಕಿಯರ ವಿಭಾಗದ ಜಾವೆಲಿನ್ ಎಸೆತದಲ್ಲಿ ಉಡುಪಿಯ  ರಿಷ್ಮಾ ಎಸ್. ಸನಿಲ್ 34.36 ಮೀ. ದೂರ ಎಸೆಯುವ ಮೂಲಕ 2007-08ರಲ್ಲಿ  ಬೆಂಗಳೂರು ಉತ್ತರದ ಸಾಧನಾ ಬಿ. ಅವರ 31.93ಮೀ. ದೂರದ ದಾಖಲೆಯನ್ನು   ಹಿಮ್ಮೆಟ್ಟಿಸಿದರು.