ದುಬೈ: ಪದೇ ಪದೇ ಕಾನೂನು ಬಾಹಿರ ಬೌಲಿಂಗ್ ಶೈಲಿ ವಿವಾದಕ್ಕೆ ಸಿಲುಕುವ ವೆಸ್ಟ್ ಇಂಡೀಸ್‍ನ ಸುನೀಲ್ ನರೇನ್ ಮತ್ತೊಮ್ಮೆ ಇದೇ ಸಮಸ್ಯೆಗೆ ಸಿಲುಕಿದ್ದು, ಐಸಿಸಿ ನರೇನ್ ಬೌಲಿಂಗ್ ಮಾಡದಂತೆ ನಿಷೇಧ ಹೇರಿದೆ.
ಈ ತಿಂಗಳ ಆರಂಭದಲ್ಲಿ ಪಲ್ಲೇಕೆಲೆಯಲ್ಲಿ ನಡೆದ ಶ್ರೀಲಂಕಾ ವಿರುದ್ಧದ ಮೂರನೇ ಏಕದಿನ ಪಂದ್ಯದ ವೇಳೆ ನರೇನ್ ಅವರ ಬೌಲಿಂಗ್ ಶೈಲಿ ಮೇಲೆ ಅನುಮಾನ ಮೂಡಿತ್ತು. ನ.17ರಂದು ಅವರನ್ನು ಲಾಗ್‍ಬೊರ್ಗ್ ವಿಶ್ವವಿದ್ಯಾಲಯದಲ್ಲಿನ ಐಸಿಸಿ ಮಾನ್ಯತಾ ಪರೀಕ್ಷಾ ಕೇಂದ್ರದಲ್ಲಿ ನರೇನ್ ಪರೀಕ್ಷೆಗೆ ಒಳಗಾಗಿದ್ದರು. ಇಲ್ಲಿನ ವರದಿ ನರೇನ್ ಕಾನೂನು ಬಾಹಿರ ಬೌಲಿಂಗ್ ಶೈಲಿ ಮಾಡಿರುವುದು ಸಾಬೀತಾಗಿರುವುದರಿಂದ ಐಸಿಸಿ ತಕ್ಷಣವೇ ಅವರು ಅಂತಾರಾಷ್ಟ್ರೀಯ ಮಟ್ಟದಲ್ಲಿ ಬೌಲಿಂಗ್ ಮಾಡದಂತೆ ನಿಷೇಧ ಹೇರಿದೆ.