ಬೀಜಿಂಗ್: ವಿಶ್ವದ ಮಾಜಿ ನಂಬರ್ ಒನ್ ಆಟಗಾರ ರಾಫೆಲ್ ನಡಾಲ್ ಮುಂದಿನ ಆವೃತ್ತಿಯಲ್ಲಿ ಮತ್ತೆ ತಮ್ಮ ಲಯಕ್ಕೆ ಬಾರದಿದ್ದರೆ, ಈವರೆಗೂ ನಡಾಲ್ಗೆ ಮಾರ್ಗದರ್ಶಕರಾಗಿ ಕಾರ್ಯ ನಿರ್ವಹಿಸುತ್ತಿದ್ದ ಅವರ ಸೋದರ ಸಂಬಂಧ ಟೋನಿ ಹೊಸ ಕೋಚ್ಗೆ ತಮ್ಮ ಜವಾಬ್ದಾರಿ ನೀಡಲು ನಿರ್ಧರಿಸಿದ್ದಾರೆ.
ಪ್ರಸಕ್ತ ಸಾಲಿನಲ್ಲಿ ಕಳಪೆ ಫಾರ್ಮ್ ನಿಂದ ಬಳಲುತ್ತಿರುವ ರಾಫೇಲ್ ನಡಾಲ್ತಮ್ಮ ನೆಚ್ಚಿನ ಪ್ರೆಂಚ್ ಓಪನ್ ಟೂರ್ನಿ ಹಾಗೂ ವಿಂಬಲ್ಡನ್ ನಲ್ಲಿ ತೀವ್ರ ನಿರಾಸೆ ಅನುಭವಿಸಿದರು. ``ನಮ್ಮದು ಒಂದು ತಂಡವಿದೆ. ರಾಫೇಲ್ 3 ವರ್ಷದವನಿದ್ದಾಗಿನಿಂದ ಅವರಿಗೆ ಮಾರ್ಗದರ್ಶನ ನೀಡುತ್ತಿದ್ದೇವೆ. ಸದ್ಯದಲ್ಲೇ ಆತ ಲಯಕ್ಕೆ ಮರಳುವ ವಿಶ್ವಾಸವಿದೆ. ಒಂದು ವೇಳೆ ಬಾರದಿದ್ದರೇ ತನ್ನ ಆಟ ಅಥವಾ ತಂಡದಲ್ಲಿ ಬದಲಾವಣೆ ಮಾಡಿಕೊಳ್ಳಲು ಅವಕಾಶ ನೀಡುತ್ತೇವೆ'' ಎಂದು ಟೋನಿ ನಡಾಲ್ ತಿಳಿಸಿದರು.