ರಾಜ್‍ಕೋಟ್: ಪ್ರಸಕ್ತ ರಣಜಿ ಋತುವಿನಲ್ಲಿ ಅತ್ಯದ್ಭುತ ಲಯದಲ್ಲಿರುವ ಎಡಗೈ ಸ್ಪಿನ್ ಆಲ್ರೌಂಡ ರ್ ರವೀಂದ್ರ ಜಡೇಜಾ, ಸೌರಾಷ್ಟ್ರ ತಂಡಕ್ಕೆ ಭರ್ಜರಿ ಜಯ ತಂದುಕೊಟ್ಟಿದ್ದಾರೆ.

ಹೈದರಾಬಾದ್ ವಿರುದ್ಧದ ಪಂದ್ಯದಲ್ಲಿ 7 ವಿಕೆಟ್ ಪಡೆದು ಮಿಂಚಿನ ದಾಳಿ ನಡೆಸಿದ ಜಡೇಜಾ, ಹೈದರಾಬಾದ್ ವಿರುದ್ಧದ 35 ರನ್ ಜಯದಲ್ಲಿ ಪ್ರಮುಖ ಪಾತ್ರ ವಹಿಸಿದರು. 

ಸೌರಾಷ್ಟ್ರ ಕ್ರಿಕೆಟ್ ಸಂಸ್ಥೆ ಕ್ರೀಡಾಂಗಣದಲ್ಲಿ ನಡೆದ ಸಿ ಗುಂಪಿನ ಪಂದ್ಯ 2 ದಿನದಲ್ಲಿ ಫಲಿತಾಂಶ ಪಡೆದಿದ್ದು, ಜಡೇಜಾ ಮೊದಲ ಇನಿಂಗ್ಸ್‍ನಲ್ಲಿ 6 ಮತ್ತು ಎರಡನೇ ಇನಿಂಗ್ಸ್‍ನಲ್ಲಿ 7 ವಿಕೆಟ್ ಕಬಳಿಸಿ ಹೈದರಾಬಾದ್ ತಂಡಕ್ಕೆ ಮಾರಕವಾಗಿ ಪರಿಣಮಿಸಿದರು. 

ಸೌರಾಷ್ಟ್ರ 102 ಮತ್ತು 215 (ಚಿರಾಗ್ ಜಾನಿ 65, ಉನಾದ್ಕತ್ 26, ಹಸನ್ 69ಕ್ಕೆ 5)

ಹೈದರಾಬಾದ್ 148 ಮತ್ತು 134 (ಸಂದೀಪ್ 46, ಅಕ್ಷತ್ ರೆಡ್ಡಿ 26, ಜಡೇಜಾ 60ಕ್ಕೆ 7)