ಬೆಂಗಳೂರು: ಟೀಂ ಇಂಡಿಯಾದ ಮಾಜಿ ನಾಯಕ ರಾಹುಲ್ ದ್ರಾವಿಡ್ ಭಾರತದ ಗೋಡೆ ಎಂದೇ ಖ್ಯಾತರಾದವರು ಅವರ ಪುತ್ರ ಸಮಿತ್ ದ್ರಾವಿಡ್ ಬಾಲ್ಯದಲ್ಲೇ ತಂದೆಯಂತೆಯೇ ಅತ್ಯುತ್ತಮ ಬ್ಯಾಟಿಂಗ್ ಕೌಶಲ್ಯ ತೋರಿದ್ದಾನೆ.

ಅಂಡರ್-12 ವಿಭಾಗದಲ್ಲಿ ಮಲ್ಯ ಅದಿತಿ ಇಂಟರ್ ನ್ಯಾಶನಲ್ ಸ್ಕೂಲ್ ತಂಡದ 9ರ ಹರೆಯದ ಸಮಿತ್ ದ್ರಾವಿಡ್ 93 ರನ್ ಗಳನ್ನ ಸಿಡಿಸಿದ್ದು, ಡೆಲ್ಲಿ ಪಬ್ಲಿಕ್ ಸ್ಕೂಲ್ ವಿರುದ್ಧ 63 ರನ್ ಗಳಿಂದ ಜಯ ಗಳಿಸುವಲ್ಲಿ ಪ್ರಮುಖ ಪಾತ್ರ ವಹಿಸಿದ್ದಾರೆ. 

ಸಮಿತ್ ಅವರ ಈ ಮನಮೋಹಕ ಆಟದ ನೆರವಿನಿಂದ ಮಲ್ಯ ಅದಿತಿ ಇಂಟರ್ ನ್ಯಾಶನಲ್ ಸ್ಕೂಲ್ ತಂಡ 16 ಓವರ್‘ಗಳಲ್ಲಿ 3 ವಿಕೆಟ್ ನಷ್ಟಕ್ಕೆ ಭರ್ಜರಿ 168 ರನ್ ಮಾಡಿತ್ತು. 169 ರನ್ ಗಳ ಮೊತ್ತವನ್ನು ಬೆನ್ನತ್ತಿದ್ ಡೆಲ್ಲಿ ಸ್ಕೂಲ್ ತಂಡ ನಿಗದಿತ ಓವರ್ ನಲ್ಲಿ ಗಳಿಸಿದ್ದು 6 ವಿಕೆಟ್ ನಷ್ಟಕ್ಕೆ 106 ರನ್ ಮಾತ್ರ.