ಫುಟ್ಬಾಲಿಗ ಲಿಯೋನೆಲ್ ಮೆಸ್ಸಿಯ ಆಟವೇ ಮಸ್ತು. ಅರ್ಜೆಂಟಿನಾದ ಚುರುಕು ಹುಡುಗ ಈಗ ಬೆಲಾರಸ್‍ನ ಟೆನಿಸ್ ಬೆಡಗಿ ವಿಕ್ಟೋರಿಯಾ ಅಝರೆಂಕಾಳ ಮನಸ್ಸು ಕದ್ದಿದ್ದಾನಾ? ಗೊತ್ತಿಲ್ಲ.

ಆದರೆ, ವಿಕ್ಟೋರಿಯಾ ಹೀಗಂದಿದ್ದಾಳೆ ಮೆಸ್ಸಿಯ ಆಟ ನೋಡ್ತಿದ್ರೆ ವಿಡಿಯೋ ಗೇಮ್ ನೋಡಿದ ಹಾಗಾಗುತ್ತೆ'! ಹ್ಯೂಸ್ಟನ್‍ನಲ್ಲಿ ಬೊಲಿವಿಯಾ ವಿರುದ್ಧ ನಡೆದ ಪಂದ್ಯದಲ್ಲಿ ಅರ್ಜೆಂಟಿನಾ 7-0 ಅಂತರದಿಂದ ಗೆಲವು ದಾಖಲಿಸಿತು. ಇದರಲ್ಲಿ ಮೆಸ್ಸಿಯ 2 ಗೋಲುಗಳು ಗಮನ ಸೆಳೆಯುವಂತಿದ್ದವು. 'ನಾನು ಫ್ರೀ ಇದ್ದಾಗ ಮೆಸ್ಸಿಯ ಮ್ಯಾಚ್ ನೋಡ್ತಿರ್ತೀನಿ.

ಆದರೆ, ಮೊನ್ನೆ ಏನೋ ಕೆಲಸ ಇದ್ದ ಕಾರಣ ಈ ಪಂದ್ಯವನ್ನು ನೋಡಲಾಗಲಿಲ್ಲ. ಅವನದ್ದು ಅನೂಹ್ಯ ಆಟ. ಬಾರ್ಸಿಲೋನಾದ ಸ್ಟೇಡಿಯಮ್ಮಿನಲ್ಲಿ ಈತನ ಆಟ ಕಂಡಿದ್ದೆ.
ಫುಟ್ಬಾಲಿಗರು ಕಾಲಲ್ಲಿ ಆಡ್ತಾರೆ. ನಮ್ಮ ಆಟದಲ್ಲಿ ಕೈಗಳೇ ಕಾಲುಗಳು. ಅವನಂತೆ ನಾನೂ ವೇಗಿ ಆಗ್ತೀನಿ' ಎಂದಿದ್ದಾಳೆ.