ನವದೆಹಲಿ: ಅಂತಾರಾಷ್ಟ್ರೀಯ ಪದಾರ್ಪಣೆ ಪಂದ್ಯದಲ್ಲೇ ಹ್ಯಾಟ್ರಿಕ್ ವಿಕೆಟ್ ಪಡೆದು, ಅತ್ಯುತ್ತಮ ಬೌಲಿಂಗ್ ಪ್ರದರ್ಶಿಸುವ ಮೂಲಕ ವಿಶ್ವದ ಗಮನ ಸೆಳೆದ ದಕ್ಷಿಣ ಅಫ್ರಿಕಾ ತಂಡದ ವೇಗದ ಬೌಲರ್ ಕಾಗಿಸೊರಬಾಡ, ಮುಂದಿನ ತಿಂಗಳು ಆರಂಭಗೊಳ್ಳಲಿರುವ ಭಾರತ ವಿರುದ್ಧದ ಸರಣಿಯಲ್ಲಿ ಟೀಂ ಇಂಡಿಯಾಕ್ಕೆ ಮಾರಕವಾಗುತ್ತಾರಾ ಎಂಬ ಬಗ್ಗೆ ಚರ್ಚೆಗಳು ಆರಂಭವಾಗಿವೆ.

ಇದೇ ವರ್ಷ ಜುಲೈ ನಲ್ಲಿ ಆಫ್ರಿಕಾ ತಂಡದ ಬಾಂಗ್ಲಾ ಪ್ರವಾಸದ ವೇಳೆ, ತನ್ನ ಮೊದಲ ಅಂತಾರಾಷ್ಟ್ರೀಯ ಏಕದಿನ ಪಂದ್ಯದಲ್ಲಿ 16 ರಂ ನೀಡಿ 6 ವಿಕೆಟ್ ಕಬಳಿಸಿದ್ದ ರಬಾಡಾ, ಭಾರತದಲ್ಲೇನು ಕಮಾಲ್ ಮಾಡುತ್ತಾರೆಂಬ ಕುತೂಹಲ ಎಲ್ಲರಲ್ಲೂ ಹುಟ್ಟಿದೆ ಎಂದು ಕ್ರಿಕೆಟ್ ಕಂಟ್ರಿ ವರದಿ ಮಾಡಿದೆ.