ರಿಯೋ ಡಿ ಜನೈರೋ: ಜಿಮ್ನಾಸ್ಟಿಕ್ ಮೂಲಕ ಇದೇ ಮೊದಲ ಬಾರಿಗೆ ರಿಯೋ ಒಲಿಂಪಿಕ್ಸ್ ಫೈನಲ್ ಗೆ ತಲುಪಿ ಪದಕದ ಭರವಸೆ ಮೂಡಿಸಿರುವ ಭಾರತೀಯ ಆಟಗಾರ್ತಿ ದೀಪಾ ಕರ್ಮಾಕರ್ ರನ್ನು ಗೃಹ ಬಂಧನದಲ್ಲಿಡಲಾಗಿದೆ.

ಕಾರಣ ಇಷ್ಟೇ... ರಿಯೋ ಒಲಿಂಪಿಕ್ಸ್ ನ ಜಿಮ್ನಾಸ್ಟಿಕ್ ನಲ್ಲಿ ಫೈನಲ್ ತಲುಪಿರುವ ದೀಪಾ ಕರ್ಮಾಕರ್ ಪದಕ ಭರವಸೆ ಮೂಡಿಸಿದ್ದು ಕಠಿಣ ಸಿದ್ಧತೆ ನಡೆಸಲಿ ಎಂದು ಅವರ ಕೋಚ್ ಬಿಶ್ವೇಶ್ವರ ನಂದಿ ಅವರೇ ಈ ಕ್ರಮ ಕೈಗೊಂಡಿದ್ದಾರಂತೆ. ಪದಕ ಗೆಲ್ಲುವುದತ್ತ ಆಕೆ ಗಮನ ಹರಿಯಬೇಕೇ ಹೊರತು ಬೇರಡೆ ಹರಿಯದಿರಲಿ. ಯಾರಿಂದಲೂ ದೀಪಾ ತೊಂದರೆಗೊಳಗಾಗದಿರಲಿ ಎಂಬ ಉದ್ದೇಶ ನನ್ನದು ಎಂದು ಕೋಚ್ ಹೇಳಿದ್ದಾರೆ.

ಮಂಗಳವಾರ ಅವರ ಹುಟ್ಟು ಹಬ್ಬವಾಗಿದ್ದರಿಂದ ಅವರಿಗೆ ಅಭಿಮಾನಿಗಳು ಶುಭಾಶಯ ತಿಳಿಸಲು ಹಾತೋರೆಯುತ್ತಿದ್ದರು. ಆದರೆ ಅಪ್ಪ ಅಮ್ಮ ಬಿಟ್ಟು ಬೇರೆ ಯಾರಿಗೂ ದೀಪಾರನ್ನು ಸಂಪರ್ಕಿಸುವ ಅವಕಾಶವನ್ನು ನೀಡಿಲ್ಲ.

ಆಗಸ್ಟ್ 14ರಂದು ಜಿಮ್ನಾಸ್ಟಿಕ್ ಫೈನಲ್ ಸ್ಪರ್ಧೆ ನಡೆಯಲಿದ್ದು, ಸ್ಪರ್ಧೆಯಲ್ಲಿ ತಮ್ಮ ಶಿಷ್ಯೆ ಗೆಲ್ಲಲೇಬೇಕು ಎಂಬುದು ಕೋಚ್ ಬಿಶ್ವೇಶ್ವರ ನಂದಿ ಹಾಗೂ ಕೋಟ್ಯಾಂತರ ಭಾರತೀಯರ ಆಶೆಯವಾಗಿದೆ.