ರಿಯೋ ಡಿ ಜನೈರೋ: ಪುರುಷರ ಬ್ಯಾಡ್ಮಿಂಟನ್ ಸಿಂಗಲ್ಸ್ ಪಂದ್ಯಾವಳಿಯ ಕ್ವಾರ್ಟರ್ ಫೈನಲ್ನಲ್ಲಿ ಭಾರತದ ಕಿಡಂಬಿ ಶ್ರೀಕಾಂತ್ ಅವರು ಚೀನಾದ ಲಿನ್ ಡ್ಯಾನ್ ಅವರ ವಿರುದ್ಧ 1-2 ಅಂತರದಿಂದ ವಿರೋಚಿತ ಸೋಲು ಕಂಡಿದ್ದಾರೆ. ಈ ಮೂಲಕ ರಿಯೋ ಒಲಂಪಿಕ್ಸ್ ನ ಪದಕ ಪಟ್ಟಿಯಲ್ಲಿ ತನ್ನ ಖಾತೆ ತೆರೆಯಲು ಇದ್ದ ಅವಕಾಶವೊಂದನ್ನು ಭಾರತದ ಕೈತಪಿದಂತಾಗಿದೆ.
ತೀವ್ರ ಹಣಾಹಣಿಯಲ್ಲಿ ಸಾಗಿದ ಈ ಪಂದ್ಯಾವಳಿಯ ಮೊದಲನೇ ಸೆಟ್ ಅನ್ನು ಚೀನಾ ಆಟಗಾರ 21-6 ಅಂತರದಿಂದ ಭರ್ಜರಿಯಾಗಿ ಗೆದ್ದರೆ ಎರಡನೇ ಸೆಟ್ಟಿನಲ್ಲಿ ಪ್ರತಿರೋಧ ಒಡ್ಡಿದ ಶ್ರೀಕಾಂತ್ 21-11 ಅಂತರದಿಂದ ಗೆದ್ದು ಸಮಬಲ ಸಾಧಿಸಿದರು.
ಮೂರನೇ ಸೆಟ್ ನಲ್ಲಿ ಇಬ್ಬರೂ ಆಟಗಾರರು ತೀವ್ರ ಪ್ರತಿರೋಧ ಒಡ್ಡುತ್ತಾ ನಿರಂತರವಾಗಿ ಪಾಯಿಂಟ್ ಸಮಬಲ ಸಾಧಿಸುತ್ತಾ ಸಾಗಿದರೂ ಕೊನೆಯಲ್ಲಿ ಲಿನ್ ಡ್ಯಾನ್ ಅವರು ಆಕ್ರಮಣಕಾರಿ ಆಟವಾಡಿ 21-18 ಅಂತರದಲ್ಲಿ ಸೋಲಿಸಿ ಸೆಮಿಫೈನಲಿಗೆ ಲಗ್ಗೆಯಿಟ್ಟರು.
ಇನ್ನು ಮಹಿಳಾ ಶಟಲ್ ಬ್ಯಾಡ್ಮಂಟನ್ ವಿಭಾಗದಲಿ ಸೆಮಿಫೈನಲ್ ಪ್ರವೇಶಿಸಿರುವ ಪಿ.ವಿ. ಸಿಂಧು ಅವರಿಂದ ಮಾತ್ರವೇ ಪದಕದ ಆಸೆ ಜೀವಂತವಾಗಿದೆ.