ಭುವನೇಶ್ವರ: ಜರ್ಮನ್ ಪ್ರತಿಷ್ಠಿತ ಫುಟ್ ಬಾಲ್ ಅಕಾಡೆಮಿಯಲ್ಲಿ ತರಬೇತಿ ಪಡೆಯುವ ಸದಾವಕಾಶವೊಂದು ಒಡಿಶಾದ ಸ್ಲಂ ಬಾಲಕನೊರ್ವನಿಗೆ ಒಲಿದಿದೆ.

ಶಬರ್ ಸಹಿ ಸ್ಲಂನ ಬಾಲಕ 11 ವರ್ಷದ ಚಂದನ್ ನಾಯಕ್ ನಿಗೆ ಜರ್ಮನಿಯ ಪ್ರತಿಷ್ಠಿತ ಬೇಯರ್ನ್ ಮ್ಯೂನಿಚ್ ಫುಟ್ಬಾಲ್ ಅಕಾಡೆಮಿ ತರಬೇತಿ ನೀಡುವ ಆಫರ್ ಕೊಟ್ಟಿದೆ. ಪುಣೆಯಲ್ಲಿ ನಡೆದ ಆಲ್ ಇಂಡಿಯಾ ಟೂರ್ನಿಗೆ ಚಂದನ್ ಅರ್ಹತೆ ಪಡೆದ ನಂತರ ಬೇಯರ್ನ್ ಮ್ಯೂನಿಚ್ ಅಕಾಡೆಮಿ ಎರಡು ತಿಂಗಳ ಕಾಲ ತರಬೇತಿ ನೀಡುವ ಆಫರ್ ನೀಡಿದೆ.

ಈ ಆಫರ್ ಕುರಿತಂತೆ ಹರ್ಷ ವ್ಯಕ್ತಪಡಿಸಿರುವ ಚಂದನ್, ಜರ್ಮನಿ ಪ್ರತಿಷ್ಠಿತ ಫುಟ್ಬಾಲ್ ಅಕಾಡೆಮಿಯಲ್ಲಿ ತರಬೇತಿ ಪಡೆಯುವ ಅವಕಾಶ ಸಿಕ್ಕಿರುವುದು ಖುಷಿ ತಂದಿದೆ. ಮುಂದೊಂದು ದಿನ ನಾನು ಭಾರತ ಫುಟ್ಬಾಲ್ ತಂಡದ ಆಟಗಾರನಾಗುತ್ತೇನೆ ಎಂಬ ಭರವಸೆ ವ್ಯಕ್ತಪಡಿಸಿದ್ದಾನೆ.