ಆಧುನಿಕ ತಂತ್ರಜ್ಞಾನಗಳ ತವರು ದೇಶವಾದ ಜಪಾನ್ ನಲ್ಲಿ 2020ರ ಟೋಕಿಯೋ ಒಲಿಂಪಿಕ್ಸ್ ನಡೆಯಲಿದ್ದು ಈ ಒಪಿಂಲಿಕ್ಸ್ ಸಂಪೂರ್ಣ ರೋಬೋ ಒಲಿಂಪಿಕ್ಸ್ ಆಗಲಿದೆ ಹೀಗೆಂದು ಸ್ವತಃ ಜಪಾನ್ ಪ್ರಧಾನಿ ಜಗತ್ತಿಗೆ ಮಾತು ಕೊಟ್ಟಿದ್ದಾರೆ.

ಜಗತ್ತಿನ ಹೆಚ್ಚಿನ ಭಾಷೆಗೆ ಭಾಷಾಂತರ ಮಾಡುವ ಆ್ಯಪ್ ಗಳೊಂದಿಗೆ ರೋಬಾಟ್ ಕ್ರೀಡಾಗ್ರಾಮ ನಿರ್ಮಿಸುವುದಾಗಿ ಪ್ರಧಾನಿ ಶಿಂಜೊ ಅಬೆ ಅವರು ಹೇಳಿಕೊಂಡಿದ್ದಾರೆ. ಟೋಕಿಯೋ ಒಲಿಂಪಿಕ್ಸ್ ರೋಬೋ ಒಲಿಂಪಿಕ್ಸ್ ಆಗಲಿದ್ದು ಆಟಗಾರರ ಲಗೇಜ್ ಗಳು, ಟ್ಯಾಕ್ಸಿ ಓಡಿಸಲು ರೋಬೋ ಬಳಕೆಯಾಗುವುದಲ್ಲದೆ, ಡ್ರೈವರ್ ಗಳೇ ಇಲ್ಲದ ಮತ್ತು ರೋಬೋಗಳು ಓಡಿಸುವ ಕಾರುಗಳು ಮುಂದಿನ ಒಲಿಂಪಿಕ್ಸ್ ವೇಳೆ ಓಡಾಲಿವೆಯಂತೆ.

ಟೋಕಿಯೋ ಒಲಿಂಪಿಕ್ಸ್ ವೀಕ್ಷಣೆಗೆ ಬರುವವರಿಗೆ ಸ್ಟೇಡಿಯಂನ ಸೀಟ್ ಹುಡುಕಲು ರೋಬೋ ಸಹಾಯ ಮಾಡಲಿವೆಯಂತೆ. ಇನ್ನು ಗಂಟೆಗೆ 600 ಕಿಮೀ ಓಡುವ ಸೂಪರ್ ಸ್ಪೀಡ್ ಮ್ಯಾಗ್ಲೆವ್ ರೈಲುಗಳು ಬಳಕೆಗೆ ಲಭ್ಯವಾಗಲಿವೆ. ಇನ್ನು ಟೋಕಿಯೋ ನ್ಯಾಷನಲ್ ಸ್ಟೇಡಿಯಂ 5ಜಿ ವೇಗದ ಇಂಟರ್ ನೆಟ್ ಸೇವೆಗಳು ಉಚಿತವಾಗಿ ಲಭ್ಯವಿರಲಿವೆ.