ನವದೆಹಲಿ: ಒಲಿಂಪಿಕ್ಸ್ ನಲ್ಲಿ ಕಂಚಿನ ಪದಕ ಗೆದ್ದು ಭಾರತದ ಕೀರ್ತಿ ಪತಾಕೆ ಹಾರಿಸಿದ ಕುಸ್ತಿ ಪಟು ಸಾಕ್ಷಿ ಮಲಿಕ್ ಗೆ ಕಂಕಣ ಬಲ ಕೂಡಿ ಬಂದಿದೆ. ಈ ವರ್ಷವೇ ಅವರು ಸಪ್ತಪದಿ ತುಳಿಯುವುದಾಗಿ ಹೇಳಿದ್ದಾರೆ. ಆದರೆ ತಮ್ಮ ಭಾವಿ ಪತಿ ಹೆಸರನ್ನು ಸಾಕ್ಷಿ ಗುಟ್ಟಾಗಿಟ್ಟಿದ್ದಾರೆ.
ತಮ್ಮ ಬಾವಿ ಪತಿ ತಮ್ಮ ವೃತ್ತಿಗೆ ತುಂಬಾ ಬೆಂಬಲ ನೀಡುತ್ತಾರೆ. ನನ್ನ ಕನಸುಗಳನ್ನು ಅವರ ಕನಸುಗಳೆಂದು ಭಾವಿಸಿದ್ದಾರೆ.ವಿವಾಹದ ನಂತರ ನನಗೆ ಉತ್ತಮ ಸ್ನೇಹಿತ ಸಿಗುತ್ತಾನೆ ಎಂದು ಸಂದರ್ಶನವೊಂದರಲ್ಲಿ ಸಾಕ್ಷಿ ಮಲಿಕ್ ಹೇಳಿದ್ದಾರೆಂದು ವರದಿಯಾಗಿದೆ.
ಟೋಕಿಯೋ ಒಲಿಂಪಿಕ್ಸ್ ಗಾಗಿ ತಯಾರಿ ಆರಂಭಿಸುವುದಾಗಿ ಹೇಳಿರುವ ಸಾಕ್ಷಿ, ಅಭ್ಯಾಸಕ್ಕೆ ಭಾವಿ ಪತಿ ಕೂಡ ನೆರವಾಗಲಿದ್ದಾರೆ ಎಂದಿದ್ದಾರೆ. ಅಷ್ಟೇ ಅಲ್ಲ ಮದುವೆ ನಂತರ ಕುಸ್ತಿಯಲ್ಲಿ ಮುಂದುವರಿಯುವುದು ಸಮಸ್ಯೆ ಆಗೊಲ್ಲ ಎಂದು ಅಭಿಪ್ರಾಯ ಪಟ್ಟಿದ್ದಾರೆ.