ನವದೆಹಲಿ: ಕೃಷ್ಣ ಮೃಗವನ್ನು ಬೇಟೆಯಾಡಿದ ಹಿನ್ನೆಲೆಯಲ್ಲಿ ಮಧ್ಯಪ್ರದೇಶದ ರಣಜಿ ಆಟಗಾರ ರಮೀಜ್ ಖಾನ್ ಮತ್ತು ಆತನ ತಂದೆ ಮಾಜಿ ರಣಜಿ ಆಟಗಾರ ಮೆಹಮೂದ್ ಖಾನ್ ಅವರನ್ನು ಪೊಲೀಸರು ಬಂಧಿಸಿದ್ದಾರೆ. ಪಮಖೆಡಿ ಗ್ರಾಮದ ಬಳಿ ಈ ಇಬ್ಬರೂ ಸೇರಿ ಕೃಷ್ಣಮೃಗವನ್ನು ಬೇಟೆಯಾಡಿದ್ದಾರೆಂದು ಬಂಧಿಸಲಾಗಿದೆ. ಅಪ್ಪ-ಮಗ ಸೇರಿದಂತೆ ಇನ್ನಿಬ್ಬರು ಈ ಪ್ರಕರಣದಲ್ಲಿ
ಭಾಗಿಯಾಗಿದ್ದು, ವನ್ಯ ಜೀವಿ ಸಂರಕ್ಷಣಾ ಕಾಯ್ದೆಯಡಿ ಬಂಧಿಸಲಾಗಿದೆ ಎಂದು ಜಿಲ್ಲಾ ಅರಣ್ಯಾಧಿಕಾರಿ ಸೂರ್ಯಪ್ರಕಾಶ್ ತಿಳಿಸಿದ್ದಾರೆ ಎಂದು ಖಾಸಗಿ ಪತ್ರಿಕೆಯೊಂದು ವರದಿ ಮಾಡಿದೆ. ರಮೀಜ್ ಮಧ್ಯಪ್ರದೇಶ ವಿರುದ್ಧ ವಿಜಯ್ ಹಜಾರೆ ಟ್ರೋಫಿ ಟೂರ್ನಿಯಲ್ಲಿ ಆಡಿದ್ದರೆ, ಈತನ ತಂದೆ ಪ್ರಸ್ತುತ 1ನೇ ಮಟ್ಟದ ಕ್ರಿಕೆಟ್ ಕೋಚ್ ಆಗಿದ್ದಾರೆ.