ಬೆಂಗಳೂರು: ರಾಜ್ಯದ ಪ್ರತಿಭಾನ್ವಿತ ಯುವ ಟೆನಿಸಿಗ ಬಿ.ಆರ್. ನಿಕ್ಷೇಪ್ ತಮ್ಮ ಬಹುದಿನಗಳ ಕನಸೊಂದನ್ನು ಈಡೇರಿಸಿಕೊಂಡಿದ್ದಾರೆ. ಸದ್ಯದಲ್ಲೇ ಶುರುವಾಗಲಿರುವ ವರ್ಷದ ಮೊಟ್ಟಮೊದಲ ಗ್ರಾಂಡ್ಸ್ಲಾಮ್ ಪಂದ್ಯಾವಳಿಯಲ್ಲಿ ಜೂನಿಯರ್ ವಿಭಾಗದಲ್ಲಿ ಆಡಲು ಅವರಿಗೆ ಪ್ರವೇಶಾವಕಾಶ ಕಲ್ಪಿಸಲಾಗಿದೆ. ಇದೇ ತಿಂಗಳು 20ರಿಂದ ಆಸ್ಟ್ರೇಲಿಯನ್ ಓಪನ್ ಪಂದ್ಯಾವಳಿ ಆರಂಭವಾಗುತ್ತಿದ್ದು, ಈ ಪ್ರತಿಷ್ಠಿತ ಟೂರ್ನಿಯಲ್ಲಿ ಭಾಗವಹಿಸುವುದರೊಂದಿಗೆ ಕರ್ನಾಟಕಕ್ಕೆ ಅವರು ಕೀರ್ತಿ ತರಲು ಮುಂದಾಗಿದ್ದಾರೆ. ಸದ್ಯ ಅಂತಾರಾಷ್ಟ್ರೀಯ ಟೆನಿಸ್ ಫಡರೇಷನ್ ನ ಜೂನಿಯರ್ (18 ವರ್ಷದೊಳಗಿನ) ರ್ಯಾಂಕಿಂಗ್ನಲ್ಲಿ ನಿಕ್ಷೇಪ್ ನಂ.1 ಆಟಗಾರ ಎನ್ನುವುದು ಗಮನಾರ್ಹ.