ಮೆಲ್ಬೋರ್ನ್: ವೆಸ್ಟ್ ಇಂಡೀಸ್ ನ ಸ್ಫೋಟಕ ಬ್ಯಾಟ್ಸ್ ಮನ್ ಕ್ರಿಸ್ ಗೇಲ್ ಯುವರಾಜ್ ಸಿಂಗ್ ಅವರ ಟಿ-20 ವಿಶ್ವದಾಖಲೆಯನ್ನು ಸಮಗಟ್ಟಿದ್ದಾರೆ.

ಬಿಗ್ ಬಾಷ್ ಲೀಗ್(ಬಿಬಿಎಲ್) ಪಂದ್ಯದಲ್ಲಿ ಕೇವಲ 12 ಎಸೆತಗಳಲ್ಲಿ ಅರ್ಧಶತಕ ಬಾರಿಸಿ ಯುವರಾಜ್ ಸಿಂಗ್ ದಾಖಲೆಗೆ ಸಮಗಟ್ಟಿದ್ದಾರೆ.

ಮೆಲ್ಬೋರ್ನ್ ರೆನೆಗೇಡೆಸ್ ಪರ ಆಡುವ ಕ್ರಿಸ್ ಗೇಲ್ ಸ್ಪಿನ್ನರ್ ಟ್ರಾವಿಸ್ ಹೆಡ್ (ಅಡಿಲೇಡ್ ಸ್ಟ್ರೈಕರ್ಸ್) ಅವರ ಓವರ್ ನಲ್ಲಿ ಭರ್ಜರಿಯಾಗಿ ಆಡಿದ್ದಾರೆ. ಡಾಕ್ ಲ್ಯಾಂಡ್ ಸ್ಟೇಡಿಯಂನಲ್ಲಿ ನಡೆದ ಪಂದ್ಯದಲ್ಲಿ ಗೇಲ್ 7 ಸಿಕ್ಸರ್ ಹಾಗೂ 2 ಬೌಂಡರಿ ಸೇರಿ ಒಟ್ಟಾರೆ 17 ಎಸೆತಗಳಲ್ಲಿ 56 ರನ್ ಚೆಚ್ಚಿದರು.

ದಕ್ಷಿಣ ಆಫ್ರಿಕಾದ ಡರ್ಬನ್ ನಲ್ಲಿ 2007ರಲ್ಲಿ ನಡೆದ ಐಸಿಸಿ ವಿಶ್ವ ಟಿ20 ಚಾಂಪಿಯನ್ ಶಿಪ್ ನಲ್ಲಿ ಇಂಗ್ಲೆಂಡಿನ ಸ್ಟುವರ್ಟ್ ಬ್ರಾಡ್ ಅವರ ಒಂದೇ ಓವರ್ ನಲ್ಲಿ 36ರನ್ ಬಾರಿಸಿ ವಿಶ್ವ ದಾಖಲೆ ಬರೆದಿದ್ದ ಯುವರಾಜ್ ಅವರು ವೇಗವಾಗಿ ಅರ್ಧಶತಕ ಬಾರಿಸಿದ್ದರು.