ಮೊಲ್ಬೋರ್ನ್: ಅಗ್ರ ಶ್ರೇಯಾಂಕದ ಆಟಗಾರ ರಫೆಲ್ ನಡಾಲ್ ಅವರು ಸೋಮವಾರ ವರ್ಷದ ಮೊಟ್ಟ ಮೊದಲ ಗ್ರಾಂಡ್ ಸ್ಲಾಮ್ ಪಂದ್ಯಾವಳಿ ಆಸ್ಟ್ರೇಲಿಯಾ ಓಪನ್ ನಿಂದ ಹೊರಬಿದ್ದಿದ್ದಾರೆ.
ತೀವ್ರ ಪೈಪೋಟಿಯಿಂದ ಕೂಡಿದ್ದ ಮೊದಲ ಪಂದ್ಯದಲ್ಲಿ ರಫೆಲ್ ನಡಾಲ್ ತಮ್ಮದೇ ದೇಶದ ಫರ್ನಾಂಡೋ ವೆರ್ಡ್ಸ್ಕೋ ವಿರುದ್ಧ 7-6 (8-6), 4-6, 3-6, 7-6 (7-4), 6-2 ಸೆಟ್ಗಳ ಅಂತರದಿಂದ ಸೋಲ ಅನುಭವಿಸಿದ್ದಾರೆ.
4 ಗಂಟೆ 40 ನಿಮಿಷ ನಡೆದ ಹೋರಾಟದಲ್ಲಿ ನಡಾಲ್ಗೆ ಗೆಲುವು ಒಲಿಯಲಿಲ್ಲ. ನಡಾಲ್ ಇದೇ ಮೊದಲ ಬಾರಿಗೆ ಆಸ್ಟ್ರೇಲಿಯನ್ ಓಪನ್ನಲ್ಲಿ ಮೊದಲ ಸುತ್ತಿನಲ್ಲಿ ನಿರ್ಗಮಿಸುತ್ತಿದ್ದಾರೆ.
2009ರಲ್ಲಿ ನಡೆದ ಆಸ್ಟ್ರೇಲಿಯನ್ ಓಪನ್ ಸೆಮಿಫೈನಲ್ ಪಂದ್ಯದಲ್ಲಿ ನಡಾಲ್ 5 ಗಂಟೆ 14 ನಿಮಿಷ ನಡೆದ ಹೋರಾಟದಲ್ಲಿ ಫರ್ನಾಂಡೋ ವಿರುದ್ಧ ಗೆಲುವಿನ ನಗೆ ಬೀರಿದ್ದರು. ನಡಾಲ್ 2009ರಲ್ಲಿ ಫೆಡರರ್ ಅವರನ್ನು ಸೋಲಿಸಿ ಪ್ರಶಸ್ತಿ ಜಯಿಸಿದ್ದು. ನಂತರ 2012 ಮತ್ತು 2014ರಲ್ಲಿ ರನ್ನರ್ ಅಪ್ ಆಗಿದ್ದರು.