ಲಂಡನ್: ಜಾಗತಿಕ ಕ್ರೀಡಾಲೋಕದಲ್ಲೇ ಅತಿ ದೊಡ್ಡ ಭ್ರಷ್ಟಾಚಾರವೆಂದು ಬಿಂಬಿತವಾಗಿರುವ ಅಂತಾರಾಷ್ಟ್ರೀಯ ಫುಟ್ಬಾಲ್ ಸಂಸ್ಥೆ( ಫೀಫಾ) ಹಗರಣಕ್ಕಿಂತಲೂ ಅಂತಾರಾಷ್ಟ್ರೀಯ ಅಥ್ಲೆಟಿಕ್ಸ್ ಸಂಸ್ಥೆ(ಐಎಎಎಫ್) ಯಲ್ಲಿ ಆಗಿರುವ ಹಗರಣ ದೈತ್ಯ ಸ್ವರೂಪದ್ದೆಂದು ನಾಲ್ಕು ಬಾರಿಯ ಒಲಂಪಿಕ್ ಚಾಂಪಿಯನ್, ಅಮೇರಿಕಾದ ಮೈಕಲ್ ಜಾನ್ಸನ್ ಅಭಿಪ್ರಾಯಪಟ್ಟಿದ್ದಾರೆ.

ಬಿಬಿಸಿ ರೇಡಿಯೋಗೆ ನೀಡಿದ ಸಂದರ್ಶನದಲ್ಲಿ ಮಾತನಾಡಿರುವ ಅವರು, ಜಾಗತಿಕ ಕ್ರೀಡಾರಂಗದಲ್ಲಿ ಫಿಫಾ ಹಗರಣ ಭಾರಿ ಸದ್ದು ಮಾಡಿದೆ ನಿಜ. ಆದರೆ ನೀವು ಅಥ್ಲೇಟಿಕ್ಸ್ ಕ್ರೀಡೆಯ ಬಗ್ಗೆ ಹೇಳುವುದಾದರೆ, ಅಮಾಯಕರನ್ನು ಸ್ವಾರ್ಥ ಸಾಧನೆಗಾಗಿ ಬಲಿಪಶುಗಳನ್ನಾಗಿಸಲಾಗಿದೆ. ಇದು ಫಿಫಾಗಿಂತಲೂ ದೊಡ್ಡ ಘಾತುಕತನ ಎಂದು ಬಣ್ಣಿಸಿದ್ದಾರೆ.