ನವದೆಹಲಿ : ಸ್ವಿಟ್ಜರ್‌ಲೆಂಡ್ ಆಟಗಾರ ರೋಜರ್ ಫೆಡರರ್ ಅವರು ತಮ್ಮ ಆಟದ ಮೂಲಕ ಹಲವರ ಹೃದಯ ಗೆದ್ದಿದ್ದಾರೆ. ಆದರೆ ಅವರ ಉತ್ತಮ ನಡತೆ ಸಾನಿಯಾ ಮಿರ್ಜಾ ಹೃದಯ ತಟ್ಟಿದೆಯಂತೆ.
ಇತ್ತೀಚೆಗೆ ಬಿಡುಗಡೆಯಾದ ತಮ್ಮ ಆತ್ಮಚರಿತ್ರೆ ‘ಏಸ್ ಅಗೆನೆಸ್ಟ್‌ ಆಡ್ಸ್‌’ಕೃತಿಯಲ್ಲಿ ಸಾನಿಯಾ ರೋಜರ್ ಫೆಡರರ್ ಬಗ್ಗೆ ಮೆಚ್ಚುಗೆಯ ಮಾತುಗಳನ್ನಾಡಿದ್ದಾರೆ.
2008 ರಲ್ಲಿ ನನ್ನ ಮೇಲೆ ರಾಷ್ಟ್ರಧ್ವಜಕ್ಕೆ ಅವಮಾನ ಮಾಡಿದ ಆರೋಪ ಬಂದಿತ್ತು. ಅದು ದೊಡ್ಡ ವಿವಾದವಾಗಿತ್ತು. ಆ ಸಂದರ್ಭದಲ್ಲಿ ನಾನು ಆಸ್ಟ್ರೇಲಿಯನ್ ಓಪನ್ ಟೂರ್ನಿಯಲ್ಲಿ ಭಾಗವಹಿಸಲು ಮೆಲ್ಬರ್ನ್‌ಗೆ ಹೋಗಿದ್ದೆ. ರೋಜರ್ ಫೆಡರರ್ ಎಲ್ಲರಿಗಿಂತ ಮೊದಲು ಪ್ರಕರಣದ ಕುರಿತು ನನ್ನ ಹತ್ತಿರ ಮಾಹಿತಿ ಪಡೆದರು ಎಂದು ಸಾನಿಯಾ ಹೇಳಿದ್ದಾರೆ.
ಮುಂಬೈನಲ್ಲಿ ಭಯೋತ್ಪಾದನಾ ದಾಳಿ ನಡೆದಾಗಲೂ ನನ್ನನ್ನು ಸಂಪರ್ಕಿಸಿ ಕಾಳಜಿ ವ್ಯಕ್ತಪಡಿಸಿದ್ದರು ಅವರು ತಮ್ಮ ಎದುರು ಮತ್ತು ಜೊತೆಗೆ ಆಡುವ ಎಲ್ಲ ಆಟಗಾರರ ಕುರಿತು ತೋರಿಸುವ ಪ್ರೀತಿ, ಕಾಳಜಿ ಮನಮುಟ್ಟುವಂತದ್ದು’ ಎಂದು ಸಾನಿಯಾ ಹೇಳಿದ್ದಾರೆ.
ಜೊತೆಗೆ ಲಂಡನ್ ನಲ್ಲಿ ತಮ್ಮ ಬಾಲ್ಯ ಸ್ನೇಹಿತೆ ಹಾಗೂ ರೋಜರ್ ಫೆಡರರ್ ಜೊತೆಗಿನ ಸಂದರ್ಭಗಳನ್ನ ಸಾನಿಯಾ ತಮ್ಮಆತ್ಮ ಚರಿತ್ರೆಯಲ್ಲಿ ಬರೆದಿದ್ದಾರೆ.