ಹಾಕಿ ದಂತಕಥೆ ಮೊಹಮದ್ ಶಾಹಿದ್ (ಚಿತ್ರ ಕೃಪೆ: ದೂರದರ್ಶನ ಟ್ವೀಟ್)
ನವದೆಹಲಿ: ಮೂತ್ರಪಿಂಡ ಮತ್ತು ಯಕೃತ್ತು ತೊಂದರೆಯಿಂದ ಬಳಲುತ್ತಿದ್ದ ಹಾಕಿ ದಂತಕಥೆ ಮೊಹಮದ್ ಶಾಹಿದ್ ಗುರುಗಾಂವ್ ಆಸ್ಪತ್ರೆಯಲ್ಲಿ ಬುಧವಾರ ಮೃತಪಟ್ಟಿದ್ದಾರೆ. ಅವರಿಗೆ 56 ವರ್ಷ ವಯಸ್ಸಾಗಿತ್ತು.
1980 ರ ಮಾಸ್ಕೊ ಒಲಂಪಿಕ್ ಚಿನ್ನದ ಪದಕ ಗೆದ್ದ ಭಾರತೀಯ ತಂಡದ ಭಾಗವಾಗಿದ್ದರು ಶಾಹಿದ್.
ಜೀವನ್ಮರಣದ ಜೊತೆಗೆ ಹೋರಾಡುತ್ತಿದ್ದ ಈ ಮೇರು ಆಟಗಾರನಿಗೆ ಜಾಂಡಿಸ್ ಸೋಂಕು ತಗಲಿ ಮತ್ತು ಡೆಂಗ್ಯೂ ಕಾಣಿಸಿಕೊಂಡದ್ದರಿಂದ ಅವರ ಸ್ಥಿತಿ ಉಲ್ಬಣಗೊಂಡಿತ್ತು.
ಈ ತಿಂಗಳ ಮೊದಲ ಭಾಗದಲ್ಲಿ ತೀವ್ರ ಅನಾರೋಗ್ಯದಿಂದ ನರಳುತ್ತಿದ್ದ ಶಾಹಿದ್ ಅವರನ್ನು ವಾರಣಾಸಿಯಿಂದ ವಿಮಾನದ ಮೂಲಕ ಕರೆತಂದು ಗುರಗಾಂವ್ ಆಸ್ಪತ್ರೆಗೆ ದಾಖಲು ಮಾಡಲಾಗಿತ್ತು.
ದೆಹಲಿ ಏಷಿಯಾ ಗೇಮ್ಸ್ 1982 ರಲ್ಲಿ ಬೆಳ್ಳಿ ಪದಕ ಮತ್ತು 1986 ರ ಸಿಯೋಲ್ ಏಶಿಯಾಡ್ ನಲ್ಲಿ ಕಂಚಿನ ಪದಕ ಗೆದ್ದ ಭಾರತೀಯ ತಂಡದ ಭಾಗವಾಗಿಯು ಶಾಹಿದ್ ಆಡಿದ್ದರು.
Follow KannadaPrabha channel on WhatsApp
Download the KannadaPrabha News app to follow the latest news updates
Subscribe and Receive exclusive content and updates on your favorite topics
Subscribe to KannadaPrabha YouTube Channel and watch Videos