ಲೂಯಿಸ್‍ವಿಲ್ಲೆ: ಕಳೆದ ವಾರ ನಿಧನರಾದ ಬಾಕ್ಸಿ೦ಗ್ ದಂತಕಥೆ ಮೊಹಮದ್ ಅಲಿ ಅವರ ಅ೦ತ್ಯಕ್ರಿಯೆ ಶುಕ್ರವಾರ, ಅವರ ಹುಟ್ಟೂರಾದ ಲೂಯಿಸ್‍ವಿಲ್ಲೆಯಲ್ಲಿ ನೆರವೇರಿತು.
ಪಾಕಿ೯ನ್‍ಸನ್ ಕಾಯಿಲೆಯಿಂದ ಬಳಲುತ್ತಿದ್ದ ಮಹಮದ್ ಅಲಿ ಕಳೆದವಾರ ನಿಧನರಾಗಿದ್ದರು. 3 ಬಾರಿಯ ಹೆವಿವೇಟ್ ಚಾ೦ಪಿಯನ್ ಅಲಿ ಕಳೆದ ವಾರ ಅರಿಜೋನಾದ ಫಿನಿಕ್ಸ್ ಆಸ್ಪತ್ರೆಯಲ್ಲಿ ಅಸುನೀಗಿದ್ದರು. ನಿನ್ನೆ ಮುಸ್ಲಿಂ ಸ೦ಪ್ರದಾಯದ ಪ್ರಕಾರ ವಿಧಿವಿಧಾನಗಳು ನೆರವೇರಿದರೆ, ಶುಕ್ರವಾರ ಲೂಯಿಸ್‍ವಿಲ್ಲೆಯ ಪ್ರಮುಖ ಬೀದಿಗಳಲ್ಲಿ ಅವರ ಪಾರ್ಥೀವ ಶರೀರದ ಮೆರವಣಿಗೆ ನಡೆಸಿ ಅ೦ತ್ಯಕ್ರಿಯೆ ನಡೆಸಲಾಯಿತು.
ಶುಕ್ರವಾರ ಬೆಳಗ್ಗೆ ಆರ೦ಭವಾದ ಮೆರವಣಿಗೆ, ಅಲಿ ಬಾಲ್ಯದಲ್ಲಿ ತಿರುಗಾಡಿದ ರಸ್ತೆಗಳಲ್ಲಿ ಸಾಗಿ ಕೇವ್ ಹಿಲ್ ಚಿತಾಗಾರ ತಲುಪಿತು.
ಅಂತ್ಯ ಸಂಸ್ಕಾರಕ್ಕೆ ಗಣ್ಯರ ಆಗಮನ
ಇನ್ನು ಅಲಿ ಅವರ ಅಂತ್ಯ ಸಂಸ್ಕಾರಕ್ಕೆ ವಿಶ್ವವಿವಿಧ ಮೂಲಗಳಿಂದ ಗಣ್ಯರು ಆಗಮಿಸಿದ್ದರು. ಬೆಳ್ಳಿತೆರೆಯಲ್ಲಿ ಮೊಹಮದ್ ಅಲಿ ಪಾತ್ರ ನಿಭಾಯಿಸಿದ್ದ ನಟ ವಿಲ್ ಸ್ಮಿತ್, ಮಾಜಿ ಹೆವಿವೇಟ್ ಚಾ೦ಪಿಯನ್ ಲೆನಾಕ್ಸ್ ಲೂಯಿಸ್ ಸೇರಿದ೦ತೆ ಸಾವಿರಾರು ಅಭಿಮಾನಿಗಳು ಮೆರವಣಿಗೆಯಲ್ಲಿದ್ದರು. ಅಮೆರಿಕ ಮಾಜಿ ಅಧ್ಯಕ್ಷ ಬಿಲ್ ಕ್ಲಿ೦ಟನ್, ಬಿಲ್ಲಿ ಕ್ರಿಸ್ಟಲ್, ಟಕಿ೯ ಅಧ್ಯಕ್ಷ ರಿಸೆಫ್ ತಯ್ಯೀಪ್ ಎಡೋ೯ಗನ್ ಮತ್ತಿತರ ಗಣ್ಯರೂ ಹಾಜರಿದ್ದರು