ನವದೆಹಲಿ: ಭಾರತದ ಟೆನಿಸ್ ಆಟಗಾರ್ತಿ ಸಾನಿಯಾ ಮಿರ್ಜಾ ತಮ್ಮ ಸೌಂದರ್ಯದಿಂದ ಎಲ್ಲರನ್ನೂ ಆಕರ್ಷಿಸಿದ್ದರು. ಇದೀಗ ಅವರು ಅತ್ಯುತ್ತಮ ಉಡುಪು ಧರಿಸುವುದರಲ್ಲಿ ನಂ.1 ಪಟ್ಟ ಅಲಂಕರಿಸಿದ್ದಾರೆ.
ವಿಶ್ವ ಸಂಪ್ರದಾಯ ದಿನದ(ಎಥ್ನಿಕ್ ಡೇ) ಅಂಗವಾಗಿ ಕ್ರಾಫ್ಟ್ ವಿಲ್ಲಾ. ಕಾಮ್ ಅಂತರ್ಜಾಲ ತಾಣ ನಡೆಸಿದ ಸಮೀಕ್ಷೆಯಲ್ಲಿ ಸಾನಿಯಾ ಅತ್ಯುತ್ತಮ ಉಡುಗೆ ಕ್ರೀಡಾ ತಾರೆಯಾಗಿ ಆಯ್ಕೆಯಾಗಿದ್ದಾರೆ. ಇನ್ನು ಬ್ಯಾಡ್ಮಿಂಟನ್ ತಾರೆ ಸೈನಾ ನೆಹ್ವಾಲ್ 2ನೇ ಸ್ಥಾನ ಪಡೆದಿದ್ದಾರೆ.
ವಿಶೇಷ ಸಮಾರಂಭಗಳಲ್ಲಿ ಸಾನಿಯಾ ಮಿರ್ಜಾ ಸೀರೆ ಹಾಗೂ ಅನಾರ್ಕಲಿ ಉಡುಪುಗಳನ್ನು ಧರಿಸಿ ವಿಶೇಷವಾಗಿ ಕಾಣಿಸಿಕೊಳ್ಳುತ್ತಿದ್ದರು. ಈ ಮೂಲಕ ಅವರು ಶೇಕಡ 62.9ರಷ್ಟು ಮತಗಳನ್ನು ಪಡೆದು ಅಗ್ರಸ್ಥಾನದಲ್ಲಿದ್ದಾರೆ. ಸೈನಾ ನೆಹ್ವಾಲ್ 18.8 ರಷ್ಟು ಮತಗಳನ್ನು ಪಡೆದು ದ್ವಿತೀಯ ಸ್ಥಾನದಲ್ಲಿದ್ದಾರೆ.