ನವದೆಹಲಿ: ಭಾರತದ ಸ್ಟಾರ್ ಬಾಕ್ಸರ್ ವಿಜೇಂದರ್ ಸಿಂಗ್ ಡಿಸೆಂಬರ್ 17ರಂದು ನಡೆಯಲಿರುವ ಪಂದ್ಯದಲ್ಲಿ ಡಬ್ಲ್ಯುಬಿಒ ಏಷ್ಯಾ ಪೆಸಿಫಿಕ್ ಸೂಪರ್ ಮಿಡ್ಲ್ ವೇಟ್ ಬೆಲ್ಟ್ ಉಳಿಸಿಕೊಳ್ಳಲು ಫೈಟ್ ಮಾಡಲಿದ್ದಾರೆ. 

ನವದೆಹಲಿಯ ತ್ಯಾಗರಾಜ ಸ್ಟೇಡಿಯಂನಲ್ಲಿ ಪಂದ್ಯ ನಡೆಯಲಿದ್ದು, ಎದುರಾಳಿ ಯಾರೆಂಬುದು ಮುಂದಿನ ದಿನಗಳಲ್ಲಿ ನಿರ್ಧರಿಸಲಾಗುತ್ತದೆ. ಇನ್ನು ಕಳೆದ ಜುಲೈನಲ್ಲಿ ಗೆದ್ದಿರುವ ಡಬ್ಲ್ಯುಬಿಒ ಏಷ್ಯಾ ಪೆಸಿಫಿಕ್ ಸೂಪರ್ ಮಿಡ್ಲ್ ವೇಟ್ ಬೆಲ್ಟ್ ಉಳಿಸಿಕೊಳ್ಳಲು ಫೈಟ್ ಮಾಡಲಿದ್ದಾರೆ ಎಂದು ವಿಜೇಂದರ್ ರ ಭಾರತದ ಪ್ರಮೋಟರ್ಸ್ ಆಗಿರುವ ಇನ್ಫಿನಿಟಿ ಆಪ್ಟಿಮಲ್ ಸಲ್ಯೂಷನ್ಸ್ ಸಂಸ್ಥೆ ಪ್ರಕಟಣೆಯಲ್ಲಿ ತಿಳಿಸಿದೆ. 

ವಿಜೇಂದರ್ ಸಿಂಗ್ ಈವರೆಗೂ 7 ಪಂದ್ಯಗಳಲ್ಲಿ ಗೆದ್ದಿದ್ದು ಇದರಲ್ಲಿ 6 ನಾಕೌಟ್ ಪಂದ್ಯಗಳಾಗಿವೆ.