ಗ್ಲಾಸ್ಗೋ: ವಿಶ್ವ ಬ್ಯಾಡ್ಮಿಂಟನ್ ಚಾಂಪಿಯನ್ ಷಿಪ್ ಟೂರ್ನಿಯ ಸೆಮಿಫೈನಲ್ ಪಂದ್ಯದಲ್ಲಿ ಜಪಾನಿನ ನೊಜೊಮಿ ಓಕುಹಾರ ವಿರುದ್ಧ ಸೋಲು ಅನುಭವಿಸಿದ  ಸೈನಾ ನೆಹ್ವಾಲ್ ಅವರು ಕಂಚಿನ ಪದಕಕ್ಕೆ ತೃಪ್ತಿ ಪಟ್ಟುಕೊಂಡಿದ್ದಾರೆ.

ಕ್ವಾರ್ಟರ್ ಫೈನಲ್ ಪಂದ್ಯದಲ್ಲಿ ಭಾರತದ ಬ್ಯಾಡ್ಮಿಂಟನ್ ತಾರೆ ಸೈನಾ ನೆಹ್ವಾಲ್ ಸ್ಕಾಟ್ಲಾಂಡ್ ನ ಕ್ರಿಸ್ಟಿ ಗಿಲ್ಮೌರ್ ವಿರುದ್ಧ 21-19, 18-21, 21-15 ಅಂತರದಿಂದ ಜಯ ಗಳಿಸಿ ಸೆಮಿಫೈನಲ್ ತಲುಪಿದ್ದರು. ಇಂದು ನಡೆದ ಫೈನಲ್ ಪಂದ್ಯದಲ್ಲಿ ಜಪಾನಿನ ಏಳನೇ ಶ್ರೇಯಾಂಕಿತ ಆಟಗಾರ್ತಿ ಓಕುಹಾರ ಅವರ ವಿರುದ್ಧ 12-21, 21-17, 21-10 ಸೆಟ್ ಗಳ ಅಂತರದಿಂದ ಸೈನಾ ಸೋಲು ಅನುಭವಿಸಿ ನಿರಾಸೆ ಮೂಡಿಸಿದರು.

ಇನ್ನು ಭಾರತದ ಸ್ಟಾರ್ ಬ್ಯಾಡ್ಮಿಂಟನ್ ತಾರೆ 4ನೇ ಶ್ರೇಯಾಂಕಿತೆ ಪಿವಿ ಸಿಂಧು ಸಹ ಚೀನಾದ ಸನ್ ಯು ವಿರುದ್ಧ 21-14, 21-9 ನೇರ ಸೆಟ್ ಗಳಿಂದ ಗೆದ್ದು ಸೆಮಿಫೈನಲ್ ಪ್ರವೇಶಿಸಿದ್ದಾರೆ. ಇನ್ನು ಸೆಮಿಫೈನಲ್ ಪಂದ್ಯದಲ್ಲಿ ಜಗತ್ತಿನ 10ನೇ ಶ್ರೇಯಾಂಕಿತೆ ಚೀನಾದ ಚೇನ್ ಯೂಫಿ ವಿರುದ್ಧ ಸೆಣೆಸಲಿದ್ದಾರೆ.