ಚೆನ್ನೈ: ಚೆನ್ನೈ ಓಪನ್ ಡಬಲ್ಸ್ ನಲ್ಲಿ ಭಾರತದ ಅನುಭವಿ ಆಟಗಾರ ರೋಹನ್ ಬೋಪಣ್ಣ ವೃತ್ತಿ ಜೀವನದಲ್ಲಿ ಮೊದಲ ಬಾರಿ ಚಾಂಪಿಯನ್ ಆಗಿ ಹೊರಹೊಮ್ಮಿದ್ದಾರೆ.
ಆಲ್ ಇಂಡಿಯನ್ ಫೈನಲ್ ಪಂದ್ಯದಲ್ಲಿ ಜೀವನ್ ನೆಡುಚೆಜಿಯನ್ ಜತೆ ಕಣಕ್ಕಿಳಿದ ಬೋಪಣ್ಣ 6-3, 6-4 ಸೆಟ್ ಗಳಿಂದ ದೇಶಬಾಂಧವ ಪೂರವ್ ರಾಜಾ ಮತ್ತು ದಿವಿಜ್ ಶರಣ್ ಜೋಡಿಯನ್ನು ಮಣಿಸಿ ಚಾಂಪಿಯನ್ ಆದರು.
ಬೋಪಣ್ಣ 2006ರ ಚೆನ್ನೈ ಓಪನ್ ಡಬಲ್ಸ್ ಟೂರ್ನಿಯಲ್ಲಿ ಪ್ರಕಾಶ್ ಅಮೃತ್ ರಾಜ್ ಜತೆ ಆಡಿದ್ದು ಈ ಜೋಡಿ ರನ್ನರ್ ಅಪ್ ಆಗಿತ್ತು. ಬೋಪಣ್ಣ ವೃತ್ತಿಜೀವನದ 15ನೇ ಎಟಿಪಿ ಡಬಲ್ಸ್ ಪ್ರಶಸ್ತಿ ಗೆಲುವಿನೊಂದಿಗೆ ಹೊಸ ವರ್ಷ ಆರಂಭಿಸಿದ್ದಾರೆ.