ಮಾಸ್ಕೋ: ಜಿಮ್ನಾಸ್ಟಿಕ್ ವಿಶ್ವ ಚಾಂಪಿಯನ್ ರಷ್ಯಾದ ಯಾನಾ ಕುದ್ರ್ಯಾತ್ಸವಾ 19ನೇ ವರ್ಷಕ್ಕೆ ಕ್ರೀಡೆಗೆ ದಿಢೀರ್ ವಿದಾಯ ಘೋಷಿಸಿದ್ದಾರೆ.
ದ ಏಂಜೆಲ್ ವಿದ್ ಐರನ್ ವಿಂಗ್ಸ್ ಎಂದೇ ಖ್ಯಾತರಾಗಿದ್ದ ಯಾನಾ 2013 ರಿಂದ 2015ರ ಅವಧಿಯಲ್ಲಿ ಲಯಬದ್ಧ ಜಿನ್ಮಾಸ್ಟಿಕ್ಸ್ ನಲ್ಲಿ 13 ಬಾರಿ ವಿಶ್ವ ಚಾಂಪಿಯನ್ ಆಗಿದ್ದಾರೆ.
ಕಳೆದ ರಿಯೋ ಒಲಿಂಪಿಕ್ಸ್ ನ ಆಲ್ ಆರೌಂಡರ್ ಫೈನಲ್ ನಲ್ಲಿ ಬೆಳ್ಳಿ ಪದಕ ಗೆದ್ದಿದ್ದರು. ಹಲವು ಗಂಭೀರ ಗಾಯಗಳ ಸಮಸ್ಯೆಯಿಂದ ಬಳಲುತ್ತಿದ್ದ ಯಾನಾ ನಿರ್ಧಾರವನ್ನು ಅಂತಾರಾಷ್ಟ್ರೀಯ ಜಿಮ್ನಾಸ್ಟಿಕ್ಸ್ ಫೆಡರೇಷನ್ ಕೂಡ ಖಚಿಪಡಿಸಿದೆ. ಲಯಬದ್ಧ ಜಿಮ್ನಾಸ್ಟಿಕ್ಸ್ ನ ಇತಿಹಾಸದಲ್ಲಿ ಅತ್ಯಂತ ವರ್ಣರಂಜಿತ ಕ್ರೀಡಾಜೀವನ ಅಂತ್ಯಗೊಂಡಿದೆ.
4ನೇ ವರ್ಷದಿಂದ ಜಿಮ್ನಾಸ್ಟಿಕ್ ಅಭ್ಯಾಸ ಆರಂಭಿಸಿದ್ದ ಯಾನಾ 2013ರಲ್ಲಿ ತಮ್ಮ 15ನೇ ವರ್ಷದಲ್ಲಿ ಲಯಬದ್ಧ ಜಿಮ್ನಾಸ್ಟಿಕ್ಸ್ ಆಲ್ ಆರೌಂಡರ್ ವಿಭಾಗದಲ್ಲಿ ವಿಶ್ವ ಚಾಂಪಿಯನ್ ಆಗಿದ್ದರು.