ಮೆಲ್ಬರ್ನ್: ಭಾರತದ ಟೆನಿಸ್ ತಾರೆ ಲಿಯಾಂಡರ್ ಪೇಸ್ ಮತ್ತು ಅವರ ಸ್ವಿಸ್ ಮಿಶ್ರ ಡಬಲ್ಸ್ ಜೋಡಿ ಮಾರ್ಟಿನಾ ಹಿಂಗಿಸ್ ಸೋಮವಾರ ಆಸ್ಟ್ರೇಲಿಯಾ ಓಪನ್ ಕ್ವಾರ್ಟರ್ ಫೈನಲ್ಸ್ ಹಂತಕ್ಕೆ ತಲುಪಿದ್ದಾರೆ.
ಪೇಸ್ ಮತ್ತು ಮಾರ್ಟಿನಾ, ಆಸ್ಟ್ರೇಲಿಯಾದ ಕೇಸಿ ದೆಲ್ಲೆಕಾ ಮತ್ತು ಮ್ಯಾಟ್ ರೀಡ್ ಅವರನ್ನು ಮೆಲ್ಬರ್ನ್ ಪಾರ್ಕ್ ನಲ್ಲಿ ನಡೆದ ಎರಡನೇ ಸುತ್ತಿನ ಪಂದ್ಯದಲ್ಲಿ ೬-೨, ೬-೩ ಅಂತರದಿಂದ ೫೪ ನಿಮಿಷಗಳಲ್ಲಿ ಸೋಲಿಸಿದ್ದಾರೆ.
ಪೇಸ್-ಮಾರ್ಟಿನಾ ಜೋಡಿ ಆರು ಏಸ್ ಗಳನ್ನು ಹೊಡೆದಿದ್ದು, ಪಂದ್ಯದ ಪ್ರಾರಂಭದಿಂದಲೂ ಅತ್ಯುತ್ತಮ ಆಟವನ್ನಾಡಿದ್ದು ವಿಶೇಷ.
ಪೇಸ್-ಮಾರ್ಟಿನಾ ಜೋಡಿ ಮುಂದಿನ ಪಂದ್ಯವನ್ನು ಮಂಗಳವಾರ ಆಡಲಿದ್ದಾರೆ.