ನವದೆಹಲಿ: ನಿಮ್ಮ ತಾಯಿ ಏಲಾನ್ ಗುಟ್ಟಾ ಓರ್ವ ಚೀನೀ ಮಹಿಳೆ. ಹೀಗಾಗಿ ನೀವು ಪ್ರಧಾನಿ ಮೋದಿ ವಿರೋಧಿ ಎಂದು ಅವಮಾನಕರ ರೀತಿಯಲ್ಲಿ ಟ್ವೀಟ್ ಮಾಡಿದ್ದ ಹಿಂಬಾಲಕನಿಗೆ ಬ್ಯಾಡ್ಮಿಂಟನ್ ಡಬಲ್ಸ್ ತಾರೆ ಜ್ವಾಲಾ ಗುಟ್ಟಾ ತೀವ್ರ ಆಕ್ರೋಶ ವ್ಯಕ್ತಪಡಿಸಿದ್ದಾರೆ. 

ನಿಮ್ಮ ತಾಯಿ ಮೋದಿ ವಿರೋಧಿ, ರಾಷ್ಟ್ರ ವಿರೋಧಿ, ಆಕೆ ಒಬ್ಬ ಚೀನೀ ಮಹಿಳೆ ಎಂದು ಟ್ವಿಟರ್ ಹಿಂಬಾಲಕನೋರ್ವ ಜ್ವಾಗಾ ಗುಟ್ಟಾಗೆ ಟ್ವೀಟ್ ಮಾಡಿದ್ದಾನೆ. ಇನ್ನು ನೀವು ಪ್ರತೀ ಬಾರಿ ಮೋದಿಯನ್ನು ವಿರೋಧಿಸುವುದು ನಿಮ್ಮ ತಾಯಿ ಚೀನದವರಾಗಿರುವ ಕಾರಣಕ್ಕೆ ಇರಬಹುದೇ? ಎಂದು ಟ್ವೀಟಿಸಿದ್ದು ಇದು ಜ್ವಾಲಾ ಗುಟ್ಟಾ ಅವರ ಕೋಪಕ್ಕೆ ಕಾರಣವಾಗಿದೆ. 

ಟ್ವೀಟರಿಗನ ಆರೋಪಗಳಿಗೆ ಉತ್ತರವಾಗಿ ಜ್ವಾಲಾ ಗುಟ್ಟಾ ಮಾತನಾಡುವ ಮೊದಲು ಎರಡು ಬಾರಿ ಯೋಚಿಸಿ ಎಂದು ಖಡಕ್ ಆಗಿ ಉತ್ತರಿಸಿದ್ದಾರೆ. 

ನಂತರ ಇಬ್ಬರ ನಡುವೆ ಸರಣಿ ಟ್ವೀಟ್ ಗಳ ಸಮರವೇ ನಡೆದಿದೆ. ಕೊನೆಗೆ ಕೋಪಗೊಂಡ ಜ್ವಾಲಾ ಗುಟ್ಟಾ ಹಿಂಬಾಲಕನನ್ನು ಬ್ಲಾಕ್ ಮಾಡಿದ್ದಾರೆ. 

ಬಳಿಕ ಜ್ವಾಲಾ ಗುಟ್ಟಾ ಅವರು ತಮ್ಮ ತಾಯಿ ವಿಡಿಯೊವೊಂದನ್ನು ಅಪ್ ಲೋಡ್ ಮಾಡಿದ್ದಾರೆ.