ಹ್ಯಾಮಿಲ್ಟನ್: ಉತ್ತಮ ಪ್ರದರ್ಶನ ಮುಂದುವರೆಸಿರುವ ನ್ಯೂಜಿಲೆಂಡ್ ಮಹಿಳಾ ಹಾಕಿ ತಂಡ, ಭಾರತದ ವಿರುದ್ಧ ಐದು ಪಂದ್ಯಗಳ ಸರಣಿಯ ನಾಲ್ಕನೆ ಪಂದ್ಯವನ್ನು 3-0 ಅಂತರದಿಂದ ಭರ್ಜರಿ ಜಯ ಸಾಧಿಸಿದೆ. ಈ ಮೂಲಕ ಸರಣಿಯಲ್ಲಿ 4-0 ಮುನ್ನಡೆ ಸಾಧಿಸಿದೆ.
ಇಂದು ನಡೆದ ನಾಲ್ಕನೆ ಪಂದ್ಯದಲ್ಲಿ ಭಾರತ ಆರಂಭದಲ್ಲಿ ಉತ್ತಮ ಆಟ ಪ್ರದರ್ಶಿಸಿತು. ಆದರೆ ನ್ಯೂಜಿಲೆಂಡ್ ನ ಅಕ್ರಮಣಕಾರಿ ಆಟದಿಂದಾಗಿ ಭಾರತೀಯ ವನಿತೆಯರು ಹೀನಾಯವಾಗಿ ಸೋಲು ಅನುಭವಿಸಿದರು.
ನ್ಯೂಜಿಲೆಂಡ್ ಪರ ರಾಚೆಲ್ ಮೆಕ್ಯಾನ್ (14ನೇ ನಿ. ಮತ್ತು 26ನೇ ನಿ.) ಎರಡು ಹಾಗೂ ಪೆನಾಲ್ಟಿ ಕಾರ್ನರ್ ಅವಕಾಶವನ್ನು ಸದುಪಯೋಗ ಪಡಿಸಿಕೊಂಡ ಟೆಸ್ಸಾ ಜೋಪ್ಪ್ (17ನೇ ನಿ) ಒಂದು ಗೋಲು ಬಾರಿಸಿದರು.
ಈ ಪಂದ್ಯದಲ್ಲಿ ನ್ಯೂಜಿಲೆಂಡ್ ವಿರುದ್ಧ ಕಣಕ್ಕಿಳಿದ ನವ್'ಜೋತ್ ಕೌರ್, ಭಾರತ ಪರ 100ನೇ ಪಂದ್ಯವನ್ನಾಡಿದರು.
ಈ ಹಿಂದಿನ ಮೂರು ಪಂದ್ಯಗಳಲ್ಲಿ ನ್ಯೂಜಿಲೆಂಡ್ ಭಾರತದ ವಿರುದ್ಧ 4-1, 8-2 ಹಾಗೂ 3-2 ಗೋಲ್ ಗಳ ಅಂತರದಿಂದ ಗೆಲುವು ಸಾಧಿಸಿದೆ.
Follow KannadaPrabha channel on WhatsApp
Download the KannadaPrabha News app to follow the latest news updates
Subscribe and Receive exclusive content and updates on your favorite topics
Subscribe to KannadaPrabha YouTube Channel and watch Videos