ನವದೆಹಲಿ: ಪ್ರೊ ಕಬಡ್ಡಿ ಲೀಗ್(ಪಿಕೆಎಲ್) 5ನೇ ಆವೃತ್ತಿಗೆ ವೇದಿಕೆ ಸಿದ್ಧವಾಗುತ್ತಿದ್ದು ನಿನ್ನೆ ನಡೆದ ಹರಾಜು ಪ್ರಕ್ರಿಯೆಯಲ್ಲಿ ಪಿಕೆಎಲ್ ಇತಿಹಾಸದಲ್ಲೇ ಮೊಟ್ಟ ಮೊದಲ ಬಾರಿಗೆ ನಡೆದ ಆಟಗಾರರ ಓಪನ್ ಬಿಡ್ ನಲ್ಲಿ ಸ್ಟಾರ್ ರೈಡರ್ ನಿತಿನ್ ತೋಮರ್ 93 ಲಕ್ಷಕ್ಕೆ ಬಿಕರಿಯಾಗಿದ್ದಾರೆ.
ನಿತಿನ್ ತೋಮರ್ ನನ್ನು ಉತ್ತರಪ್ರದೇಶ ಖರೀದಿಸಿದ್ದಾರೆ. ಪಿಕೆಎಲ್ ಪ್ರಮುಖ ರೈಡರ್ ಆಗಿ ಗುರುತಿಸಿಕೊಂಡಿರುವ ಸರ್ವೀಸಸ್ ನ ನಿತಿನ್ ತೋಮರ್ ಕಳೆದ ವಿಶ್ವಕಪ್ ಟೂರ್ನಿಯಲ್ಲಿ ಗಮನ ಸೆಳೆದಿದ್ದರು.
ಇನ್ನು ಬೆಂಗಳೂರು ಬುಲ್ಸ್ ತಂಡ ರೈಡರ್ ರೋಹಿತ್ ಕುಮಾರ್ ರನ್ನು 81 ಲಕ್ಷ ಹಾಗೂ ರವೀಂದ್ರ ಪಾಹಲ್ ರನ್ನು 50 ಲಕ್ಷ ರು. ಮೊತ್ತಕ್ಕೆ ಖರೀದಿ ಮಾಡಿದೆ.
ಗರಿಷ್ಠ ಮೊತ್ತಕ್ಕೆ ಬಿಕರಿಯಾದ ಆಟಗಾರರು
* ನಿತಿನ್ ತೋಮರ್, 93 ಲಕ್ಷ, ಉತ್ತಪ್ರದೇಶ
* ರೋಹಿತ್ ಕುಮಾರ್ 81 ಲಕ್ಷ, ಬೆಂಗಳೂರು
* ಮಂಜಿತ್ ಚಿಲ್ಲರ್ 75.50 ಲಕ್ಷ, ಜೈಪುರ
* ಸುರ್ಜಿತ್ ಸಿಂಗ್ 73 ಲಕ್ಷ, ಕೋಲ್ಕತ್ತ
* ಸೆಲ್ವಮಣಿ 73 ಲಕ್ಷ, ಜೈಪುರ
* ರಾಜೇಶ್ ನರ್ವಾಲ್ 69 ಲಕ್ಷ, ಉತ್ತರಪ್ರದೇಶ
* ಸಂದೀಪ್ ನರ್ವಾಲ್ 66 ಲಕ್ಷ, ಪುಣೆ
* ಅಮಿತ್ ಹೂಡಾ 63 ಲಕ್ಷ, ಚೆನ್ನೈ
* ಜೀವ ಕುಮಾರ್ 52 ಲಕ್ಷ, ಉತ್ತರಪ್ರದೇಶ
* ಕುಲದೀಪ್ ಸಿಂಗ್ 51.50 ಲಕ್ಷ, ಮುಂಬೈ