ದೋಹಾ: ಭಾರತದ ಖ್ಯಾತ ಬಿಲಿಯರ್ಡ್ಸ್ ಆಟಗಾರ ಪಂಕಜ್ ಅಡ್ವಾಣಿ ಐಬಿಎಸ್ ಎಫ್ ವಿಶ್ವ ಬಿಲಿಯರ್ಡ್ಸ್ ಚಾಂಪಿಯನ್‌ಷಿಪ್‌ ನಲ್ಲಿ 17ನೇ ಪ್ರಶಸ್ತಿಯನ್ನು ತಮ್ಮದಾಗಿಸಿಕೊಂಡಿದ್ದಾರೆ.
ಫೈನಲ್ ಸುತ್ತಿನಲ್ಲಿ ಅಡ್ವಾಣಿ, ಇಂಗ್ಲೆಂಡ್‌ನ ಮೈಕ್‌ ರಸೆಲ್‌ ಅವರನ್ನು 6–2ರಲ್ಲಿ ಮಣಿಸಿದರು. 0–155, 150–128, 92–151, 151–6, 151–0, 150–58, 150–21 ಫ್ರೇಮ್‌ಗಳಲ್ಲಿ ಪಂಕಜ್ ಮುನ್ನಡೆ ಸಾಧಿಸಿದ್ದರು.
ಇದಕ್ಕೂ ಮುನ್ನ ಸೆಮಿ ಫೈನಲ್ಸ್ ನಲ್ಲಿ ಪಂಕಜ್ ಅವರು ಭಾರತದ ರೂಫೇಶ್‌ ಷಾ ಅವರನ್ನು 5–2 ಅಂತರದಿಂದ ಪರಾಭವಗೊಳಿಸಿದ್ದರು. ಇಂದು ನಡೆಯುವ ಐಬಿಎಸ್ ಎಫ್ ವಿಶ್ವ ಬಿಲಿಯರ್ಡ್ಸ್ ಚಾಂಪಿಯನ್ ಶಿಪ್ ಡಬಲ್ಸ್‌ನಲ್ಲಿ ಅಡ್ವಾಣಿ ಪ್ರಶಸ್ತಿಗಾಗಿ ಸೆಣೆಸಲಿದ್ದಾರೆ