ಚಿಕ್ಕಮಗಳೂರು: ಕೆಮ್ಮಣ್ಣುಗುಂಡಿನಲ್ಲಿ ನಡೆದ ಕಾಫಿ ಡೇ ಮಲ್ನಾಡ್ ಅಲ್ಟ್ರಾ ಮ್ಯಾರಥಾನ್ 110 ಕಿ.ಮೀ ವಿಭಾಗದ ಓಟದ ಪಂದ್ಯದಲ್ಲಿ ಯುನೈಟೆಡ್ ಕಿಂಗ್ ಡಮ್ ನ ಪಾಲ್ ಗಿಬ್ಲಿನ್ ವಿಜಯಿಯಾದರು. ಕಳೆದ ವರ್ಷ, ಬೆಂಗಳೂರಿನ ಅತ್ರೇಯ, 13 ಗಂಟೆ 55 ನಿಮಿಷಗಳಲ್ಲಿ ಗುರಿಯನ್ನು ತಲುಪಿ ದಾಖಲೆ ಸೃಷ್ಟಿಸಿದ್ದರು.

ಆರಂಭದಿಂದಲೂ ಗಿಬ್ಲಿನ್ ಉತ್ತಮ  ಸ್ಪರ್ಧೆ ನೀಡಿದ್ದರು. ಅವರು  12 ಗಂಟೆ 48 ನಿಮಿಷಗಳಲ್ಲಿ 110 ಕಿ.ಮೀ ದೂರದ ಗಮ್ಯಸ್ಥಾನವನ್ನು ತಲುಪಿದರು, ಈ ಮುಖೇನ ಕಳೆದ ಬಾರಿಯ ಅತ್ರೇಯಾ ಅವರ ದಾಖಲೆಯನ್ನು ಮುರಿದರು. 

ನಾಗ್ಪುರದ ಕೈರೋನ್ ಡಿ'ಸೋಜಾ 50-ಕಿ.ಮೀ ವಿಭಾಗದಲ್ಲಿ ಭಾಗವಹಿಸಿ ಜಯಶಾಲಿಗಳಾದರು. ಜರ್ಮನಿ, ಅಮೇರಿಕಾ, ಇಂಗ್ಲೆಂಡ್, ಚೀನಾ, ಕೊರಿಯಾ ಮತ್ತು ಯುಕೆ ಸೇರಿದಂತೆ 471 ಸ್ಪರ್ಧಿಗಳು ಮ್ಯಾರಥಾನ್ ನಲ್ಲಿ ಭಾಗವಹಿಸಿದ್ದರು.