ಪ್ಯಾರಿಸ್: ಭಾರತದ ಬ್ಯಾಡ್ಮಿಂಟನ್ ಆಟಗಾರ ಎಚ್ ಎಸ್ ಪ್ರಣೋಯ್ ಫ್ರೆಂಚ್ ಓಪನ್ ಸೂಪರ್ ಸೀರಿಸ್ ಪುರುಷರ ಸಿಂಗಲ್ಸ್ ವಿಭಾಗದಲ್ಲಿ ಡೆನ್ಮಾರ್ಕ್ ಆಟಗಾರನನ್ನು ಸೋಲಿಸಿ ಕ್ವಾರ್ಟರ್ ಫೈನಲ್ ಗೆ ಪ್ರವೇಶಿಸಿದ್ದಾರೆ.
ಡೆನ್ಮಾರ್ಕ್ ಬ್ಯಾಡ್ಮಿಂಟನ್ ಆಟಗಾರ ಹ್ಯಾನ್ಸ್-ಕ್ರಿಸ್ಟಿನ್ ವಿಟಿಂಗ್ಹಸ್ ವಿರುದ್ಧ ಪ್ರಣೋಯ್ 21-11, 21-12 ನೇರ ಸೆಟ್ ಗಳಿಂದ ಮಣಿಸಿ ಕ್ವಾರ್ಟರ್ ಫೈನಲ್ ಪ್ರವೇಶಿಸಿದ್ದಾರೆ.
ಇನ್ನು 2016ರ ಆಸ್ಟ್ರೇಲಿಯಾನ್ ಓಪನ್ ಚಾಂಪಿಯನ್ ಕೊರಿಯಾದ ಜೆಯಾನ್ ಹೈಯೊಕ್-ಜಿನ್ ವಿರುದ್ಧ ಮುಂದಿನ ಪಂದ್ಯದಲ್ಲಿ ಪ್ರಣೋಯ್ ಸೆಣೆಸಲಿದ್ದಾರೆ.
ಇದೇ ವೇಳೆ ಭಾರತ ಸ್ಟಾರ್ ಆಟಗಾರ್ತಿ ಪಿವಿ ಸಿಂಧು, ಶ್ರೀಕಾಂತ್ ಸಹ ಕ್ವಾರ್ಟರ್ ಫೈನಲ್ ಪ್ರವೇಶಿಸಿದ್ದಾರೆ.
ನೂತನವಾಗಿ ಬಿಡುಗಡೆಯಾಗಿರುವ ವಿಶ್ವ ಬ್ಯಾಡ್ಮಿಂಟನ್ ರ್ಯಾಂಕಿಂಗ್ ನಲ್ಲಿ ಶ್ರೀಕಾಂತ್ 4ನೇ ಸ್ಥಾನಕ್ಕೇರಿದ್ದಾರೆ. ಎಚ್ ಎಸ್ ಪ್ರಣಯ್ 12ನೇ ಹಾಗೂ ಸಮೀರ್ ವರ್ಮಾ 18ನೇ ಸ್ಥಾನ ಪಡೆದಿದ್ದಾರೆ.